22.05.2026 | 23:50
Անդրանիկ Թևանյանի նկատմամբ հարուցվել է քրեական հետապնդում պետական դավաճանության հանցակազմի հատկանիշներով
Որոշ քաղաքական ուժերի ինքնասպանությունների շարքը, ցավալիորեն, շարունակվում է․ ՀՀ վարչապետ․ ՏԵՍԱՆՅՈՒԹ
Քաղաքականություն
03.10.2018 | 17:29
Ազգային ժողովի «Ելք» խմբակցության պատգամավոր Ալեն Սիմոնյանն Ազգային ժողով-Կառավարություն հարցուպատասխանի ժամանակ վարչապետ Նիկոլ Փաշինյանից հետաքրքրվեց՝ արդյոք արտահերթ խորհրդարանական ընտրությունների վերաբերյալ ընթացող բանակցությունները շարունակվելո՞ւ են և արդյոք լինելո՞ւ է որևէ ստորագրված փաստաթուղթ։
Պատգամավորի հարցին ի պատասխան՝ Նիկոլ Փաշինյանն ասաց, որ երեկ այդ բանակցությունների ժամանակ ասել է, որ դեկտեմբերին պետք է տեղի ունենան արտահերթ ընտրություններ, իսկ ԱԺ «Ծառուկյան» և ՀՅԴ խմբակցությունների ղեկավարներն ասել են, որ վարչապետի պաշտոնը թափուր մնալու պարագայում չեն պատրաստվում վարչապետ առաջադրել։
Վարչապետը նշեց, որ երկրորդ մայիսի 1 անելը անտեղի և անտրամաբանական կլինի և հիշեցրեց մայիսի 1-ին իր կողմից արված արտահայտություններից մեկը։
«Ես 2018 թվականի մայիսի 1-ին ազդարարեցի քաղաքական որոշ ուժերի ինքնասպանություն գործելու փաստի մասին և կարող եմ ասել, որ, ցավալիորեն, ինքնասպանությունների շարքը շարունակվում է»,- ասաց նա։
Մանրամասները՝ տեսանյութում։
