12.03.2026 | 23:35
Վթար Երասխ-Երևան ավտոճանապարհին․ կան տուժածներ
Բաքվում շինծու գործերով դատական նիստում հարցերի է պատասխանում Դավիթ Մանուկյանը
Քաղաքականություն
04.04.2025 | 16:35
Բաքվի զինվորական դատարանում այսօր ընթանում է Արցախի ղեկավարների և այլ պաշտոնյաների նկատմամբ հարուցված շինծու գործերով հերթական դատական նիստը։ Ադրբեջանական լրատվամիջոցների հաղորդմամբ՝ պետական մեղադրողների հարցերին է պատասխանում Արցախի ՊԲ նախկին հրամանատարի առաջին տեղակալ, գեներալ-մայոր Դավիթ Մանուկյանը։
Դավիթ Մանուկյանը նշել է, որ Արցախում հեռահար բալիստիկ հրթիռներ չեն եղել։ Նա նաև ասել է, որ «2020 թվականի 44-օրյա պատերազմի ժամանակ ինքը տեղյակ չի եղել առաջնագծից հեռու Ադրբեջանի տարածքների վրա հրթիռային հարձակումների մասին, այդ իրադարձությունների մասին իմացել է միայն ավելի ուշ»։
Մանուկյանը նաև ասել է, որ Արցախում զինվորական ծառայության ընթացքում Հայաստանի Հանրապետության կողմից ուղարկվել է կրթություն ստանալու Ռուսաստանի Ֆրունզեի անվան ռազմական ակադեմիայում։
Հիշեցնենք, որ նախօրեին տեղի ունեցած նիստում էլ Արցախի ԱԺ նախագահ Դավիթ Իշխանյանն էր պատասխանել պետական մեղադրանքը պաշտպանող դատախազների հարցերին։
Թարգմանությունը՝ Էմմա Չոբանյանի
