04.08.2026 | 23:29
Չժաո Լեցզին շնորհավորել է Ռուբեն Ռուբինյանին ԱԺ նախագահ ընտրվելու կապակցությամբ
Բաքվում Արցախի ղեկավարների շինծու գործերով նիստում Դավիթ Իշխանյանը պատասխանել է պետական մեղադրողների հարցերին
Քաղաքականություն
03.04.2025 | 22:05
Բաքվի զինվորական դատարանում այսօր ընթացող Արցախի ղեկավարների շինծու գործերով դատական նիստում Արցախի ԱԺ նախագահ Դավիթ Իշխանյանը շարունակել է պատասխանել պետական մեղադրանքը պաշտպանող դատախազների հարցերին։ Ըստ ադրբեջանական լրատվամիջոցների՝ նրան, մասնավորապես, հարցրել են 2023 թվականի սեպտեմբերին Արցախի դեմ իրականացված ռազմական ագրեսիայից հետո Ստեփանակերտում իրեն պատկանող հյուրանոցում, իբր, հայտնաբերված զենք-զինամթերքի և կապի տարբեր միջոցների մասին։ Նա նշել է, որ հյուրանոցին են պատկանել միայն կապի միջոցներն, իսկ զենքերը, իբր, բերել են հայազգի բնակիչները։
Իշխանյանը նաև իրեն անվանել է ՀՅԴ կուսակցության ակտիվ անդամ և հայտարարել, որ ռազմավարական նպատակը Ղարաբաղի միացումն էր Հայաստանին։
Հաղորդվում է, որ հաջորդ դատական նիստը նշանակվել է ապրիլի 4-ին։
Թարգմանությունը՝ Էմմա Չոբանյանի
