08.09.2026 | 19:45
Խաղից մինչև ֆինանսական գրագիտություն․ ինչ է առաջարկում Ամերիաբանկը դպրոցականների համար. ՏԵՍԱՆՅՈՒԹ
Բաքվում Արցախի ղեկավարների շինծու գործերով նիստում հարցաքննվել է Դավիթ Իշխանյանը
Քաղաքականություն
03.04.2025 | 14:34
Բաքվի զինվորական դատարանում, դատավոր Զեյնալ Աղաևի նախագահությամբ, ընթանում է Արցախի ղեկավարների և այլ պաշտոնյաների՝ ընդհանուր 15 անձի նկատմամբ հարուցված շինծու գործերով հերթական դատական նիստը։
Ադրբեջանական լրատվամիջոցների հաղորդմամբ՝ այսօրվա նիստում պետական մեղադրողների հարցերին պատասխանել է Արցախի ԱԺ նախագահ Դավիթ Իշխանյանը։ Նա նշել է, թե Արցախի բանակը Ղարաբաղյան առաջին պատերազմի ժամանակ ղեկավարել է ինքնապաշտպանության կոմիտեն։
«Ղեկավարները եղել են Սերժ Սարգսյանն ու Սամվել Բաբայանը։ Սակայն կառավարման մեխանիզմի մասին ոչինչ ասել չեմ կարող»,- նշել է Իշխանյանը։
Հիշեցնենք, որ նախորդ նիստը տեղի էր ունեցել մարտի 17-ին, որին ընթացքում Արցախի ՊԲ նախկին հրամանատար Լևոն Մնացականյանը հարցերի էր պատասխանել։
Արցախի նախկին պետնախարար Ռուբեն Վարդանյանի գործն առանձին է քննվում։ Նախորդ նիստը տեղի էր ունեցել ապրիլի 1-ին։
Թարգմանությունը՝ Էմմա Չոբանյանի
