21.01.2026 | 23:30
Ինչ իրավիճակ է Հայաստանի ճանապարհներին և Լարսում
Լավ կլինի, որ մենք ստորագրենք փաստաթուղթ, որից հետո խմբակցությունները վարչապետի թեկնածու չեն առաջադրի․ Նիկոլ Փաշինյանը մանրամասներ է ներկայացնում․ ՏԵՍԱՆՅՈՒԹ
Քաղաքականություն
03.10.2018 | 01:26
Լավ կլինի, որ մենք ստորագրենք փաստաթուղթ, որից հետո խմբակցությունները վարչապետի թեկնածու չեն առաջադրի, դրանից հետո երկրորդ անգամ ևս վարչապետի ընտրություն տեղի չի ունենա, ինչի արդյունքում մենք դեկտեմբերին կունենանք Ազգային ժողովի արտահերթ ընտրություններ։
Այս մասին այսօր Ազգային ժողովում խմբակցությունների հետ բանակցությունների ավարտից հետո հանրահավաքի մասնակիցներին հայտարարեց ՀՀ վարչապետ Նիկոլ Փաշինյանը՝ շեշտելով, որ շատ երկար խոսակցություն են ծավալել, որոնք մանրամասներով չի կարող ներկայացնել։
«Իմաստն այն էր, որ իրենք ասացին, որ ընկալում են ժողովրդի ուղերձը, հարգանքով են վերաբերում այդ ուղերձին։ Երեք խմբակցություններն էլ բանավոր ասացին, որ իրենք չեն պատրաստվում ո՛չ առաջին, ո՛չ երկրոդ անգամ վարչապետ առաջադրել»,-ասաց վարչապետը՝ նշելով, որ Ազգային ժողովի բոլոր խմբակցությունների հետ քննարկվել է հարցը, որ երկրում ստեղծված իրավիճակի միակ հանգուցալուծումը արտահերթ ընտրություններն են։
Խոսելով ընտրությունների ժամկետների մասին՝ վարչապետը շեշտեց, որ ինքը նշել է, որ դրանք պետք է տեղի ունենան դեկտեմբերի առաջին կեսին։
«Ասում են՝ իսկ ինչո՞ւ այդ ընտրությունները չեն կարող տեղի ունենալ մայիսին, ես դրա համար բերել եմ երկու հիմնական պատճառ՝ ասացի, որ առաջին՝ երկրում հաստատված է քաղաքական ճգնաժամ, երկրորդ՝ վարչապետի կարգավիճակում արդեն մի ամսից ավելի է զգում եմ, որ երկրում բոլոր հարցերը մղվել են երկրորդ պլան»։
Մանրամասները՝ տեսանյութում։
