20.10.2026 | 23:17
COP17-ի շրջանակում քննարկվել է ավանդական գիտելիքի դերը կենսաբազմազանության պահպանության գործում
Եթե պայմանավորվածություններ են փոխվել, պետք է բացատրվի՝ ինչու․ Միքայել Մելքումյան․ ՏԵՍԱՆՅՈՒԹ
Քաղաքականություն
02.10.2018 | 18:29
Մինչև հիմա մենք իշխող ուժի հետ ունեցել ենք պայմանավորվածություն, որը, փաստորեն, հիմա դրվել է մի կողմ և նոր պայմանավորվածություններ են առաջարկվում, հետևաբար հիմա ի՞նչ պետք է անենք․ պետք է քննարկենք և գնանք քիչ կորուստների ճանապարհով։
Այս մասին այսօր Ազգային ժողովի հայտարարությունների ժամին ասաց ԱԺ փոխնախագահ Միքայել Մելքումյանը՝ հիշեցնելով, որ արտահերթ ընտրությունների անցկացման համար ամբողջ ամառ խորհրդարանականները աշխատել են Ընտական օրենսգրքի փոփոխությունների վրա, որը սակայն այժմ չկա։
«Ասել ենք նաև քաղաքական որոշակի կոնսենսուսի մասին։ Եթե պայմանավորվածությունները փոխվել են, պետք է բացատրվի՝ ինչո՞ւ է այդպես»,-ասաց ԱԺ փոխնախագահը։
Վերջինս հիշեցրեց, որ երբ կալանավորված էր Նիկոլ Փաշինյանը, իրենք միացել են այդ շարժմանը։
«Սակայն, այս ամբողջ ընթացքում պետք էր ռադիկալ փոփոխություններ անել, ներդրումների մասին էր խոսվում․ ու՞ր են դրանք»,-ասաց Միքայել Մելքումյանը՝ խորհրդարանական խմբակցություններին խորհուրդ տալով առանց միմյանց պիտակավորելու աշխատել փոխադարձ ըմբռնման հասնելու համար։
Մանրամասները՝ տեսանյութում։
