14.05.2026 | 12:15
Որևէ խուզարկություն կամ ձերբակալություն չի փոխելու մեր քաղաքական օրակարգը․ «Հայաստան» դաշինք
Տիրազուրկ հորերի ջուրն անխնա հոսում է և հարևան երկրների համար դառնում է ռեսուրս․ Գառնիկ Դանիելյան․ ՏԵՍԱՆՅՈՒԹ
Տնտեսություն
25.03.2025 | 15:30
ԱԺ նիստում «Ջրային օրենսգրքում լրացումներ և փոփոխություններ կատարելու մասին» հարցի քննարկման ժամանակ ընդդիմադիր պատգամավոր Գառնիկ Դանիելյանը կրկին անդրադարձավ տիրազուրկ խորքային հորերի խնդրին։
Նա հայտարարեց, որ տիրազուրկ խորքային հորերի ջուրն անխնա հոսում է և հարկան երկրների համար դառնում է ռեսուրս։ Ըստ նրա՝ ՀՀ-ում ջրային ռեսուրսները ճիշտ չեն օգտագործվում։
ՇՄՆ փոխնախարար Տիգրան Գաբրիելյանը պարզաբանեց, որ նախորդ տարի պետք է տիրազուրկ խորքային հորերի լուծարման աշխատանքներ իրականացնեին, բայց պարզվել է, որ կան բավականին շատ ոչ ստանդարտ խորքային հորեր, որոնց կոնսերվացման համար ոչ ստանդարտ լուծումներ են պետք։ Գաբրիելյանի խոսքով՝ շինարարները չեն մասնակցել կոնսերվացման համար հայտարարված մրցույթին, հետևաբար, նախատեսված քանակությամբ հորեր չեն լուծարվել։ Նա ասաց, որ այս տարի խոսել են տարբեր շինարարական ընկերությունների հետ, որոնք կոնսերվացման իրենց եղանակն են առաջարկել, այժմ այդ հարցերը քննարկում են։
Հիշեցնենք, որ Factor TV-ին նկարահանել էր Արարատյան դաշտում գտնվող տիրազուրկ հորերը։ Ըստ ՇՄՆ-ի՝ Արարատյան դաշտում 58 տիրազուրկ հոր կա, որոնք ենթակա են կոնսերվացման կամ լուծարման։
