21.01.2026 | 23:30
Ինչ իրավիճակ է Հայաստանի ճանապարհներին և Լարսում
ԱԺ կանոնակարգ օրենքում աղմկահարույց փոփոխությունները նոր բան չեն․ Արփինե Հովհաննիսյան․ ՏԵՍԱՆՅՈՒԹ
Քաղաքականություն
02.10.2018 | 15:50
ԱԺ փոխնախագահ Արփինե Հովհաննիսյանը լրագրողների հետ զրույցում անդրադարձավ խորհրդարանում այսօր քննարկված ԱԺ կանոնակարգ օրենքի փոփոխություններին և նշեց, որ առաջարկվող փոփոխությունները նպատակ չեն հետապնդում խոչընդոտել խորհրդարանի լուծարման իրավական մեխանիզմները և համահունչ են տարբեր երկրների Ազգային ժողովների կանոնակարգերում ամրագրված կանոնակարգերին։
ԱԺ փոխնախագահը նշեց, որ ԱԺ կանոնակարգ օրենքում աղմկահարույց փոփոխությունները նոր բան չեն, այլ ընդամենը փորձում են կարգավորել այն դեպքերը, երբ նիստի քվորումը չի ապահովվում կամ նիստի ընթացքը խոչընդոտվում է այնպիսի պատճառներով, որոնք արտաքին ազդեցությամբ են պայմանավորված:
«Դրանք արտակարգ իրավիճակներն են կամ նիստին պատգամավորների մասնակցությունը խոչընդոտող հանգամանքները: Խոսքը չի վերաբերում միայն վարչապետի ընտրությանը, վերաբերում է առհասարակ ԱԺ նիստերի խոչընդոտմանը: Սա նշանակում է, որ եթե կա խոչընդոտ նիստը սկսելու կամ նիստի ընթացքը շարունակելու, նիստը պետք է ընդհատվի»,- ասաց Հովհաննիսյանը՝ շեշտելով, որ որևէ հակաքայլ այստեղ չկա, և ընդամենը բնականոն գործունեության ապահովման հիմք է դրվում:
Ազգային ժողովի փոխնախագահը նշեց, որ որևէ մեկը չի կարող բացառել, որ երկրում կարող են լինել արտակարգ իրավիճակներ և առաջարկվող փոփոխությունը իրավիճակային լուծում չի կարելի դիտարկել, քանի որ այն պազապես գործող օրենքում բաց էր թողնված։
Մանրամասները՝ տեսանյութում։
