16.11.2024 | 15:35
Վարչապետ Փաշինյանը շնորհավորել է Ռոբերտ Ամիրխանյանին ծննդյան 85-ամյակի կապակցությամբ
ՀՀ Ֆինանսների նախարարությունում տեղի է ունեցել Արևելյան Եվրոպայի էներգախնայողության և շրջակա միջավայրի գործընկերության հիմնադրամի հերթական նիստը
Տնտեսություն
02.10.2018 | 15:05
ՀՀ Ֆինանսների նախարարությունում տեղի է ունեցել Արևելյան Եվրոպայի էներգախնայողության և շրջակա միջավայրի գործընկերության հիմնադրամի ղեկավար հանձնաժողովի հերթական նիստը: Նիստի ընթացքում քննարկվել են հիմնադրամի ընթացիկ գործունեությանն առնչվող հարցերն ու նոր ծրագրերը, ներկայացվել է ընթացիկ ծրագրերի կատարողականը:
Արևելյան Եվրոպայի էներգախնայողության և շրջակա միջավայրի գործընկերության հիմնադրամի տրամադրած դրամաշնորհներն ուղղվում են էներգախնայողության և շրջակա միջավայրի ոլորտներում իրականացվող ծրագրերին:
Հայաստանը հիմնադրամին անդամակցում է արդեն 5 տարի: Այս 5 տարիների համար Հայաստանին հատկացված է 20 մլն եվրո և արդեն իրականացվում է 4 ծրագիր: Դրանք են Երևանի քաղաքային լուսավարության ծրագիրը, Կոտայքի կոշտ թափոնների ծրագիրը, Երևանի կոշտ թափոնների ծրագիրը և Երևանի հանրային շենքերի էներգարդյունավետության ծրագիրը:
ՎԶԵԲ-ի շրջակա միջավայրի և կայունության վարչության գործադիր տնօրեն Ալիստուր Քլարկի խոսքով` հանդիպման նպատակն է հիմնադրամի բոլոր դոնորների, Հայաստանի իշխանությունների, ինչպես նաև բոլոր վարկային կազմակերպությունների հետ մասին խոսել պոտենցիալ նախագծերի մասին, որոնց վերաբերյալ դեկտեմբերին որոշում կկայացվի: «Սա շատ կարևոր հանդիպում է, որի ընթացքում մենք կսահմանենք մեր ռազմավարությունը և առաջնահերթությունները: Հայաստանը հիմնադրամի ներդրողներից է: Կարևոր է, որ նմանատիպ բազմակողմ հիմնադրամների դեպքում շահառուն նաև որպես ներդրող հանդես գա», – նշել է Ալիստուր Քլարկը:
Նիստի ընթացքում քննարկվել են երկու նոր՝ Գյումրու քաղաքային լուսավորության և Կանաչ տնտեսության ֆինանսավորման ծրագրերը: Գյումրու քաղաքային լուսավորության ծրագրի համար նախատեսվում է ներգրավել 2 մլն եվրոյի չափով դրամանորհ, իսկ Կանաչ տնտեսության ֆինանսավորման ծրագիրը ինովատիվ է, որն օժանդակելու է բանկային համակարգի միջոցով մասնավոր հատվածի վարկավորման դյուրինացմանը:
