18.05.2026 | 12:54
«Նիկոլ, քեզ ջրելու ենք»․ դիմակավոր անձինք սպառնում են Փաշինյանին, նա արձագանքում է կոշտ բառապաշարով․ ՏԵՍԱՆՅՈՒԹ
Այս նախաձեռնությունը բերվել է, որ կանխվի վարչապետի՝ հրաժարական տալու ընթացակարգը․ Էդմոն Մարուքյան․ ՏԵՍԱՆՅՈՒԹ
Քաղաքականություն
02.10.2018 | 11:02
Ազգային ժողովում այսօր քննարկվում է «Ազգային ժողովի կանոնակարգ» Հայաստանի Հանրապետության սահմանադրական օրենքում փոփոխություն կատարելու մասին հարցը։
ԱԺ «Ելք» խմբակցության պատգամավոր Էդմոն Մարուքյանը նշեց, որ, ըստ առաջարկվող փոփոխությունների, եթե ԱԺ -ի նիստը հնարավոր չէ գումարել, ապա նիստը նախագահողը հայտարարելու է, որ նիստ գումարել հնարավոր չէ, քանի որ կան խոչընդոտներ։
«Սրանով փորձ է արվում կասեցնել վարչապետի չընտրվելու գործընթացը։ Ես պետք է ասեմ, որ այս նախագիծը ձեր առջև դրված խնդիրը չի լուծում, քանի որ, ըստ Սահմանադրության, եթե 14 օրվա ընթացքում վարչապետ չի ընտրվում, խորհրդարանն ազատ է արձակվում իրավունքի ուժով, հետևաբար, մենք Սահմանադրության մեջ բան չենք կարող ավելացնել։ Այս նախաձեռնությունը բերվել է, որ կանխի վարչապետի՝ հրաժարական տալու ընթացակարգը, բայց ձեզ տեղեկացնում եմ, որ Սահմանադրությունը շատ հստակ է այս մասով»,- ասաց պատգամավորը և հավելեց, որ «Ելք» խմբակցությունը դեմ է քվեարկելու այս փոփոխություններին։
Մանրամասները՝ տեսանյութում։
