ԱՄՆ-ում գաղտնազերծել են նախագահ Ջոն Քենեդիի սպանության փաստաթղթերը

ԱՄՆ նախագահ Դոնալդ Թրամփի հրամանով հրապարակվել են ավելի քան 63,000 էջ ներառող փաստաթղթեր՝ կապված 1963 թվականին նախագահ Ջոն Քենեդիի սպանության հետ, գրում է AP-ն։

ԱՄՆ Ազգային արխիվների վարչությունն իր կայքում տեղադրել է շուրջ 2200 ֆայլեր: Նշվում է, որ Ազգային արխիվի 6 միլիոն էջից ավելի գրառումների, լուսանկարների, ֆիլմերի, ձայնագրությունների և սպանության հետ կապված արտեֆակտների հավաքածուի ճնշող մեծամասնությունը նախկինում հրապարակվել է:

Վիրջինիայի համալսարանի Քաղաքական կենտրոնի տնօրեն, Քենեդիի մասին գրքի հեղինակ Լարի Ջ.Սաբատոն ասել է, որ ժամանակ՝ կպահանջվի գրառումներն ամբողջությամբ վերանայելու համար:

Թրամփը երկուշաբթի էր հայտարարել փաստաթղթերի գաղտնազերծման մասին, Վաշինգտոնի Ջոն Քենեդու անվան կատարողական արվեստի կենտրոն այցելության ժամանակ։

«Մենք հսկայական քանակությամբ թուղթ ունենք։ Դուք շատ բան ունեք ընթերցելու անելու»,- ասել էր Թրամփը:

Երեքշաբթի օրվա դրությամբ՝ հետազոտողները գնահատել են, որ 3000-ից 3500 ֆայլ դեռ պետք է հրապարակվեր՝ ամբողջությամբ կամ մասամբ: Անցյալ ամիս ՀԴԲ-ն ասել էր, որ հայտնաբերել է սպանության հետ կապված մոտ 2400 նոր գրառում: Քենեդիի սպանության մանրամասների նկատմամբ հետաքրքրությունը շարունակվել է տասնամյակներ շարունակ, քանի որ դավադրության տեսություններ էին շրջանառվում։

Հավելենք, որ Ջոն Քենեդին սպանվել է 1963 թվականին Դալլաս այցի ժամանակ։ Նրա սպանության մեջ մեղադրվել է նախկին զինվորական Լի Հարվի Օսվալդը, որը որոշ ժամանակ ապրել է ԽՍՀՄ-ում։ Սակայն նա սպանվել է դատավարությունից առաջ՝ բանտից բանտ տեղափոխվելիս։ Նրա սպանության համար պատասխանատու են անվանել Դալլասի գիշերային ակումբի սեփականատեր Ջեք Ռուբին։

1964 թվականին կառավարական հանձնաժողովը եզրակացրել է, որ Օսվալդը գործել է միայնակ, սակայն ոմանք կասկածի տակ են դնում պաշտոնական եզրակացությունը։

Թարգմանությունը՝ Էմմա Չոբանյանի