12.04.2026 | 19:58
Քարաթափում Հրազդան-Բջնի ավտոճանապարհին․ ավտոճանապարհը երկկողմանի երթևեկելի է
Կասկած չունեմ, որ հատման որոշում է եղել. Բեգոյանը` բուսաբանական այգում ծառերի սպանդի մասին․ ՏԵՍԱՆՅՈՒԹ
Հասարակություն
18.03.2025 | 12:34
Մենք ո՞րտեղից գիտենք, որ բուսաբանական այգում ծառերի սպանդ է տեղի ունեցել, չենք կարող բացառել, որ հնարավոր է՝ ծառերը չորացած լինեին։ Այս մասին Factor TV-ի՝ ծառահատումների մասին հարցին ի պատասխան ասաց «Կանաչապատում և շրջակա միջավայրի պահպանություն» ՀՈԱԿ-ի տնօրեն Արմեն Բեգոյանը։
«Եթե այդ ծառերը հատվել են գիտական խորհրդի կողմից՝ հիմնարկի որոշմամբ, ապա որևիցե խնդիր չեմ տեսնում, և, վստահաբար, կարող եմ ասել, որ այդ ծառերը հատման ենթակա են»,- ասաց Բեգոյանը՝ պնդելով, որ եթե այգուց են հատել, ուրեմն որոշում եղել է։
Նշենք, որ Երևանի բուսաբանական այգուց հատվել են 20-ից ավելի հաստաբուն ծառեր։ Երեկ Factor TV-ն այցելել էր այգու տարածք, արձանագրել, որ կաղնու արահետում մնացել են կոճղերը։ Տեղում հանդիպել էինք այգու պատասխանատուների` տնօրեն Ժաննա Հովակիմյանի, գիտական խորհրդի նախագահ Ժիրայր Վարդանյանի և փոխտնօրեն, գլխավոր գյուղատնտես Նորիկ Շատոյանի հետ։ Նրանցից որևէ մեկը այդպես էլ փաստաթուղթ չէր տրամադրել, թե կաղնիներն ինչ հիմքով են կտրվել։ Տնօրենը փոխանցել էր` իր որոշմամբ հանձնաժողով է ձևավորվել, որպեսզի պարզեն` ինչ հիմքով են ծառերը կտրել։ Հանձնաժողովի եզրակացությունը պատրաստ կլինի 3 օրից։ Հաստաբուն կաղնիների հատման դեպքով նախաձեռնվել է քրեական վարույթ՝ ծառերը, թփերը կամ բուսածածկն ապօրինի հատելու կամ ապօրինի ձեռք բերված կոճղերը, ծառերը կամ թփերը տեղափոխելու հատկանիշներով։
Մանրամասները՝ տեսանյութում։
Արփի Հակոբյան
