13.01.2026 | 19:11
Իրանի պաշտոնյաների հետ հանդիպումները չեղարկել եմ, օգնությունը ճանապարհին է. Թրամփը դիմել է իրանցիներին
Վրաստանում դատարանը Սաակաշվիլիին ևս 4 տարի 6 ամիս ժամկետով ազատազրկման է դատապարտել
Քաղաքականություն
17.03.2025 | 12:25
Վրաստանի նախկին նախագահ Միխեիլ Սաակաշվիլին մեղավոր է ճանաչվել պետական սահմանն ապօրինի հատելու համար։ Դատավճիռն այսօր Թբիլիսիի քաղաքային դատարանում հրապարակել է դատավոր Միխայիլ Ջինջոլիան, փոխանցում է Эхо Кавказа-ն։
Սահմանն ապօրինի հատելու համար նա դատապարտվել է չորս տարի վեց ամիս ժամկետով ազատազրկման։ Քանի որ վրացական դատարաններն արդեն Միխեիլ Սաակաշվիլիին դատապարտել են ընդհանուր 9 տարվա ազատազրկման, դատավորն ասել է, որ Վրաստանի երրորդ նախագահը բանտում կանցկացնի 12 տարի 6 ամիս։
«Այս դատավճով մասամբ ավելացվում է 2025 թվականի մարտի 12-ի Թբիլիսիի քաղաքային դատարանի դատավճռին՝ 8 տարի։ Արդյունքում, դատավճիռների ամբողջությունից ելնելով, Միխեիլ Սաակաշվիլիին վերջնական պատիժն է ազատազրկումը՝ 12 տարի 6 ամիս ժամկետով»,- ասել է դատավորը։
Ըտ այդ դատավճռի՝ Սաակաշվիլին բանտում կմնա մինչև 2034 թվականի ապրիլի 1-ը։
Հավելենք, որ ավելի վաղ դատարանը Սաակաշվիլիին պետական բյուջեի մեծ գումարի վատնման գործով մեղավոր էր ճանաչել, նա դատապարտվել էր 9 տարի ժամկետով ազատազրկման։
Թարգմանությունը՝ Էմմա Չոբանյանի
