06.04.2026 | 13:24
Ինձ ֆրակցիայում ասում էին` վարչապետ ես բերո՞ւմ մեր վրա, վարչապետով սպառնում ես մեզ. Հայկ Սարգսյան․ ՏԵՍԱՆՅՈՒԹ
Քիչ անց սպասվում է Նիկոլ Փաշինյան-Վահրամ Բաղդասարյան հանդիպումը
Քաղաքականություն
01.10.2018 | 18:41
Վարչապետ Նիկոլ Փաշինյանն ու ՀՀԿ խմբակցության ղեկավար Վահրամ Բաղդասարյանն այսօր երեկոյան ժամը 20:00-ին կհանդիպեն՝ քննարկելու արտահերթ խորհրդարանական ընտրություններ անցկացնելու հարցը: Այս մասին Factor.am-ին հայտնեց վարչապետի մամուլի խոսնակ Արման Եղոյանը: Վարչապետի խոսնակը, սակայն, հանդիպման վայրի մասին որևէ տեղեկատվություն չտրամադրեց:
Նշենք, որ այսօր ուղիղ հեռարձակմամբ վարչապետը տեղեկացրեց՝ սկսում է աշխատանքային հանդիպումները խորհրդարանական և արտախորհրդարանական ուժերի հետ:
Թեև վարչապետ ընտրվելուց հետո Փաշինյանը հայտարարում էր, որ արտահերթ ընտրությունները պետք է անցկացվեն մեկ տարվա ընթացքում, որպեսզի հեղափոխական էյֆորիան անցնի, և կուսակցությունները ժամանակ ունենան պատրաստվելու ընտրությունների, այդուհանդերձ այս օրերին Փաշինյանը պնդում է, որ քանի դեռ արտահերթ խորհրդարանական ընտրություններ տեղի չեն ունեցել, տնտեսությունը, բիզնեսը շունչը պահած վիճակում է լինելու: Ավելին՝ ըստ վարչապետի վերջին ամիսները ցույց տվեցին, որ խորհրդարանում առնվազն վստահելի իրավիճակ չկա։
Հավելենք, որ խորհրդարանական ուժերը քննարկումներից չեն խուսափում, սակայն նրանցից ՀՀԿ-ն շարունակում է պնդել՝ արտահերթ ընտրությունների անցկացման անհրաժեշտություն չկա:
