Թուրքերի մեծ մասը կանխատեսում է տնտեսության վատթարացում և ցանկանում է արտահերթ ընտրություններ․ հարցում

Թուրքերի ավելի քան 61 տոկոսը կարծում է, որ երկրի տնտեսական վիճակն ավելի կվատթարանա առաջիկա վեց ամիսների ընթացքում, միաժամանակ, գրեթե 58 տոկոսը ցանկանում է, որ ընտրություններն ավելի վաղ անցկացվեն: Այս մասին են վկայում են հարցման արդյունքները, որոնք ներկայացրել է SONAR ​​ընկերությունը «Թուրքիայի նախապատվությունների հետազոտության» մեջ, Turkish Minute-ը։

Հարցվածների 61,3 տոկոսը կանխատեսում է, Թուրքիայում տնտեսական իրավիճակը կվատթարանա առաջիկա վեց ամիսների ընթացքում, 64,8 տոկոսն էլ հայտնել է, որ վերջին մեկ տարում իրենց ֆինանսական վիճակի անկում է գրանցվել՝ չնայած պետական ​​պաշտոնյաների կողմից տնտեսության վերականգնման մասին հայտարարություններին: 65,3 տոկոսն ասել է, որ վերջին վեց ամսվա ընթացքում դժվարացել է բավարարել հիմնական կարիքները, ինչպիսիք են սնունդը, վարձավճարը և կոմունալ ծառայությունները:

10 հարցվածներից միայն երեքն են նշել, որ դժվարությունների չեն հանդիպել հիմնական ծախսերի հարցում։

Հարցումը ցույց է տվել, որ 57,8%-ը կողմ է արտահերթ ընտրությունների անցկացմանը, ինչը, ըստ վերլուծաբանների, ցույց է տալիս, որ բացի տնտեսական անորոշությունից՝ բնակչության զգալի մասը կարծում է, որ կառավարության ներկայիս քաղաքականությունը ոչ ադեկվատ է: Թուրքիայում հաջորդ համընդհանուր ընտրությունները նշանակված են 2028 թվականին։

Հարցվածների միայն 15 տոկոսն է հավատում փոխնախագահ Ջևդեթ Յըլմազի վերջին պնդմանը, որ «վստահությունը թուրքական լիրայի նկատմամբ աճում է, և պահուստները ռեկորդներ են գերազանցում», մինչդեռ 70,1 տոկոսը դա անհամոզիչ է համարել:

Հարցվածների 83,8 տոկոսը որպես Թուրքիայի ամենահրատապ խնդիրներ նշել է կյանքի արժեքը, կրթությունը և աղքատությունը:

Թարգմանությունը՝ Էմմա Չոբանյանի