10.09.2026 | 23:04
ԿԳՄՍ նախարարը մանկավարժների հետ ոլորտային հարցեր է քննարկել
Ադրբեջան է մատակարարվել ՌԴ-ից գնված սպառազինության 90 տոկոսը
Քաղաքականություն
14.07.2017 | 11:55
ՌԴ-ի հետ տանկերի, «Սմերչի» և «Մստա-Ս» կայանքների մատակարարման պայմանագիրն իրականացվել է 90 տոկոսով, Բաքուն վճարել է սպառազինության համար և բարեհաջող դրանք կիրառում է: Այդ մասին նախօրեին հայտարարել է Ադրբեջանի պաշտպանության նախարար Զաքիր Հասանովը ria.ru-ին տված հարցազրույցում:
Ավելի վաղ Ադրբեջանի ռազմական գերատեսչությունը հայտնել էր, որ Ռուսաստանից գնված ռազմատեխնիկայի և ռազմամթերքի հերթական խմբաքանակը տեղ է հասել: Ռուսաստանից գնված սպառազինության նախորդ խմբաքանակը երկիր էր մատակարարվել հունիսին: Պայմանագրի գումարը չի նշվում, սակայն ԶԼՄ-ների հրապարակումների համաձայն՝ այն կազմել է մոտ 5 միլիարդ դոլար:
«Պայմանագիրն արդեն իրականացվել է փաստացիորեն 90 տոկոսով: Մենք այն վճարել ենք: Մնացել են մանրուքներ: Ամեն ինչ արդեն վաղուց Ադրբեջանում է և բարեհաջող կիրառվում է… Այդ ամենը ժամանակակից զենքեր են, որոնք մենք սովորել ենք օգտագործել և կիրառում ենք»,- ասել է ադրբեջանցի նախարարը:
