12.01.2026 | 16:37
Վրաստանի նախկին վարչապետ Իրակլի Ղարիբաշվիլին դատապարտվելու է 5 տարվա ազատազրկման
«Փոշին ժամանակավոր է, մեծ գաղափարները` մնայուն» գրությամբ պաստառը Factor TV-ի անդրադարձից հետո հեռացվել է Սարյան փողոցից
12.03.2025 | 21:28
Երևանի Սարյանի փողոցի գլխավոր աստիճանների հարակից տարածքում տեղադրված պաստառը Factor.am-ի անդրադարձից հետո հեռացվել է։ Երեկ հայտնել էինք, որ «Փոշին ժամանակավոր է, մեծ գաղափարները` մնայուն» բովանդակությամբ պաստառով առանձնացված է Սարյան փողոցի մայթեզրին իրականացվող ճանապարհաշինական աշխատանքների հատվածը։ Այժմ տարածքում մնում է միայն «Աղմուկը ժամանակավոր է, մեծ գաղափարները` մնայուն» գրությամբ պաստառը։
Պաստառի նման բովանդակությունը և Կասկադի, Օպերայի և ԱԳՆ-ի նախկին շենքի գրաֆիկական պատկերների զուգադրումը մասնագիտական հանրույթի շրջանում վրդովմունք էր հարուցել։
Մարտիրոս Սարյանի անունը կրող փողոցի գլխավոր աստիճանների և հարակից տարածքի բարեկարգման ծրագիրը իրականացնում են Կենտրոն վարչական շրջանը, «Կերոն» զարգացման հիմնադրամը և «Մանե Թայլս» ընկերությունը։ Քաղաքապետարանից Factor.am-ի հայտնել են, որ պաստառի նախագիծը համաձայնեցվել է Կենտրոն վարչական շրջանի աշխատակազմի հետ, իսկ պաստառի բովանդակությունը «Կերոն» զարգացման հիմնադրամի մտահաղացումն է։ «Կերոն» զարգացման հիմնադրամից էլ փոխանցել են, թե շինհրապարակի պաստառների գրությունները և դիզայնը մշակվել են՝ պաստառներն ավելի գրավիչ դարձնելու և ժամանակավոր անհարմարության համար քաղաքացիների համբերությունն ու ներողամտությունը խնդրելու նպատակով։
Անի Թամրազյան
