21.01.2026 | 23:30
Ինչ իրավիճակ է Հայաստանի ճանապարհներին և Լարսում
Նիկոլ Փաշինյանն այսօրվանից խորհրդարանական ուժերի հետ աշխատանքային քննարկումներ կունենա՝ ԱԺ արտահերթ ընտրություններ անցկացնելու համար
Քաղաքականություն
01.10.2018 | 14:15
Հեղափոխությունն արեցին ոչ թե քաղաքական առաջնորդները, այլ արեց ժողովուրդը. այսօր ֆեյսբուքյան ուղիղ հեռարձակմամբ ասաց ՀՀ վարչապետ Նիկոլ Փաշինյանը:
« Իսկ մեր դերակատարումն այն էր, որ ստեղծեցինք դաշտ՝ այդ հեղափոխությունն անելու»,- ասաց Փաշինյանը՝ նշելով, որ այս համատեքստում խիստ կարևորում է արտահերթ խորհրդարանական ընտրությունների անցկացումը:
«Ես այսօրվանից խորհրդարանական ուժերի հետ աշխատանքային քննարկումներ կունենամ, հետո կանցնեմ պաշտոնականի, չնայած դրանց մեջ տարբերություն չկա, որովհետեւ գիտենք, թե ինչի մասին է լինելու: Քննարկելու ենք, թե ինչպես, ինչ կարգով շուտափույթ դիմենք խորհրդարանական ընտրությունների: Ես հույս ունեմ, որ քաղաքական ուժերի հետ կարող ենք համաձայնության գալ և քաղաքացիներին դիմելու անհրաժեշտություն չի լինի: Չնայած, եթե կլինի այդպիսի անհրաժեշտություն, հույս ունեմ, որ դուք բոլորդ պատրաստ կլինեք քաղաքական այդ գործընթացին աջակցություն ցուցաբերել այս կամ այն ձևով»,- ասաց ՀՀ վարչապետը՝ նշելով, որ վերջին ամիսները ցույց տվեցին՝ «խորհրդարանում վստահելի իրավիճակ չունենք»:
