30.04.2026 | 12:22
Խուլիան Ալվարեսը գերազանցել է Մեսիի ցուցանիշը Չեմպիոնների լիգայում
Որոշել եմ մեկնել Բաքու՝ ներկա լինելու Ռուբեն Վարդանյանի դատական լսումներին. պակիստանցի իրավապաշտպան
Քաղաքականություն
07.03.2025 | 19:22
Պակիստանցի իրավապաշտպան, 2016 թվականի «Ավրորա» մրցանակի հավակնորդներից Սայիդա Ղուլամ Ֆաթիման մտադիր է մեկնել Բաքու՝ ներկա լինելու Արցախի նախկին պետնախարար Ռուբեն Վարդանյանի շինծու դատավարությանը: Այս մասին Х-ում տեղեկացնում է Free Armenian Prisoners-ը։
«Հեշտ է հեռվից դատապարտել անարդարությունը, մինչդեռ իրական փոփոխությունը գործողություն է պահանջում: Այդ իսկ պատճառով ես որոշել եմ մեկնել Բաքու՝ ներկա գտնվելու Ռուբեն Վարդանյանի դատական լսումներին: Խնդրում եմ միացեք ինձ՝ ցույց տալու ձեր համերաշխությունը՝ ինչպես կարող եք»,- փոխանցել է իրավապաշտպանը:
Syeda Ghulam Fatima, 2016 Aurora Prize Finalist and Pakistani human rights activist, has just informed us that she intends to travel to Baku in order to attend Ruben Vardanyan’s hearings.
“It’s easy to condemn injustice from afar, but real change requires action. That’s why I… pic.twitter.com/5jTjXSEElf
— Free Armenian Prisoners (@FrArmPrisoners) March 7, 2025
Ավելի վաղ տեղեկացրել էինք, որ Ռուբեն Վարդանյանը Բաքվի բանտից ձայնային հաղորդագրություն է տարածել ընտանիքի միջոցով՝ հեռախոսազրույցի ժամանակ խնդրելով ձայնագրել իրեն և հրապարակայնացնել:
Հիշեցնենք, որ Բաքվում հունվարի 17-ին մեկնարկել է Արցախի նախկին ռազմաքաղաքական ղեկավարների գործով դատաքննությունը, որն ընթանում է փակ ռեժիմով՝ Բաքվի զինվորական դատարանում։ Արցախի նախկին պետնախարար Ռուբեն Վարդանյանի գործն առանձին է քննվում։
Բաքվի դատարանում հացադուլի պատճառով Ռուբեն Վարդանյանի ինքնազգացողությունը վատացել էր. նա հրաժարվել էր ցուցմունք տալ և պատասխանել հարցերի։ Նրա փաստաբան Ջարեդ Գենսերն անդրադարձել էր Ռուբեն Վարդանյանի առողջական վիճակին՝ նշելով, որ նրա առողջությունը վտանգված է։ Գենսերը կոչ է արել Ադրբեջանի կառավարությանը՝ թույլ տալ միջազգային թիմի բժշկին այցելել նրան, անհապաղ կերպով ապահովել անհրաժեշտ բժշկական օգնությամբ, ներառյալ՝ նրա առողջական վիճակի ուսումնասիրությունը, որի կարիքը նա ունի, ինչպես նաև հետաձգել դատավարությունը մինչև հացադուլի դադարեցումը: Փաստաբանը նաև կոչ է արել աշխարհի առաջնորդներին, Հայաստանի վարչապետ Նիկոլ Փաշինյանին դատապարտել այս ցուցադրական դատավարությունը՝ այն որակելով որպես քաղաքական և ապօրինի:
