13.01.2026 | 12:34
Ադրբեջանի և Հայաստանի միջև խաղաղության համաձայնագրի նախաստորագրումը պատմական իրադարձություն է. Իտալիայի ԱԳՆ
Դպրոցի երրորդ հարկի պատուհանից ընկած երեխան վիրահատվել է
Հասարակություն
07.03.2025 | 17:16
Կոտայքի մարզի Ջրվեժի միջնակարգ դպրոցի երրորդ հարկի պատուհանից ընկած երեխային երեկ վիրահատել են, առողջական վիճակը բավարար է։ Տեղեկությունը Factor.am-ին հայտնեց դպրոցի վարչատնտեսական համակարգող Լիլիթ Վարդանյանը:
«Վիրահատությունը լավ է անցել, երեկոյան ուշ արթնացել է նարկոզից։ Այսօր էլ խոսել ենք երեխայի հետ, ապաքինման փուլում է»,- ասաց դպրոցի աշխատակիցը։
Հիշեցնենք, Factor.am-ը գրել էր, որ Կոտայքի մարզի Ջրվեժի միջնակարգ դպրոցում աշակերտ է ընկել դպրոցի երրորդ հարկից։ Դեպքի առնչությամբ Քննչական կոմիտեում քրեական վարույթ է նախաձեռնվել երեխայի դաստիարակության կամ խնամքի պարտականությունը չկատարելու կամ ոչ պատշաճ կատարելու հատկանիշներով։
Անի Թամրազյան
