06.10.2026 | 00:38
Ազգերի լիգա. Հայաստանի հավաքականը ոչ-ոքի խաղաց Չեռնոգորիայի հետ
7-րդ դասարանցին ընկել է Ջրվեժի դպրոցի 3-րդ հարկի պատուհանից․ ՏԵՍԱՆՅՈՒԹ
Հասարակություն
06.03.2025 | 14:18
Կոտայքի մարզի Ջրվեժի միջնակարգ դպրոցում արտառոց դեպք է տեղի ունեցել․ Factor.am-ը տեղեկություն է ստացել, որ աշակերտ է ընկել դպրոցի երրորդ հարկից։ Այս պահին դեպքի վայրում աշխատում են ՆԳՆ ոստիկանները։
Դպրոցի բակում հավաքված ծնողները Factor.am-ին փոխանցեցին, որ երեխան իրեն նետել է դասարանի պատշգամբից։ Բակում հավաքված երեխաներն էլ խոսում էին, որ 7-րդ դասարանի աշակերտը, մոտենալով բաց պատշգամբին, դասարանում ասել է, թե պատուհանը փակում է, սակայն կանգնել է և ցած նետվել երրորդ հարկից։ Որևէ վարկածի պաշտոնական հաստատում չկա։
Դպրոցից մեզ փոխանցեցին, որ երեխայի առողջական վիճակի և դեպքի մասին այլ մանրամասներ դեռևս հայտնել չեն կարող։
ՆԳՆ լրատվական ծառայությունից Factor.am-ին փոխանցեցին, որ ավելի ուշ կտեղեկացնեն դպրոցում երեխայի ընկնելու դեպքի վերաբերյալ ստացված հաղորդման մասին։
Առողջապահության նախարարությունից փոխանցեցին, որ անհատական դեպքերի վերաբերյալ տեղեկատվության չեն տիրապետում։
Անի Թամրազյան
