Քաղաքականություն
05.03.2025 | 15:50
Ադրբեջանի կառավարությունը մեզ տեղեկացրել է երկրում Կարմիր խաչի միջազգային կոմիտեի գրասենյակը փակելու մտադրության մասին։ Այս մասին ադրբեջանական լրատվամիջոցներին ասել է ԿԽՄԿ հասարակայնության հետ կապերի մասնագետ Աուրելի Լաշանը։
Նա նշել է, որ ներկայում իշխանությունների հետ կապերը պահպանվում են։
«Սա մեր կոնֆիդենցիալ և երկկողմ երկխոսության մի մասն է»,- հավելել է Լաշանը։
Ավելի վաղ ադրբեջանական իշխանամերձ լրատվամիջոցները հայտնել էին, որ Ադրբեջանի իշխանությունները ցանկանում են երկրում դադարեցնել ՄԱԿ-ի զարգացման ծրագրի, (ՄԱԶԾ), ՄԱԿ-ի Փախստականների հարցերով գործակալության (ՄԱԿՓՀԳ) և Կարմիր Խաչի միջազգային կոմիտեի (ԿԽՄԿ) գործունեությունը։
Հավելենք,որ Կարմիր Խաչի միջազգային կոմիտեն միակ միջազգային կառույցն է, որի աշխատակիցներն այցելում են Ադրբեջանում ապօրինի պահվող հայ գերիներին ու բանտարկյալներին, նաև կապ ապահովում նրանց ընտանիքների հետ։
Թարգմանությունը՝ Էմմա Չոբանյանի
