08.09.2026 | 23:30
Պապիկյանը այցելել է ՊՆ ուսումնական կենտրոն, հրամկազմին տրվել են մի շարք հանձնարարականներ
Թուրքական բեռնատարների վարորդները 15 օր է` արգելափակված են Թուրքիա-Իրան սահմանի իրանական կողմում
Քաղաքականություն
14.02.2025 | 21:32
Հարյուրավոր թուրքական բեռնատարների վարորդներ արգելափակված են Թուրքիա-Իրան սահմանին՝ բախվելով ծայրահեղ ցրտի և սննդի պակասի, քանի որ Իրանի իշխանությունները, ըստ տեղեկությունների, սահմանափակում են նրանց անցումը, գրում է Turkiye today-ը։
Էսենդերեի սահմանային դարպասի շրջափակումը հանգեցրել է 10 կիլոմետր երկարությամբ բեռնատարների հերթի, որոնց վարորդները սպասում են ավելի քան երկու շաբաթ: Նշվում է, որ շուրջ 300 թուրք բեռնատարների վարորդներ են 15 օր է՝ արգելափակված են սահմանի իրանական կողմում՝ պայքարելով ձմեռային դաժան պայմանների դեմ։ Ջերմաստիճանը իջել է մինչև -20 աստիճանի։
Վարորդների կողմից արված տեսանյութերը ցույց են տալիս բեռնատարների երկար հերթ, վարորդների պնդմամբ՝ իրանական մեքենաներին թույլատրվում է անցնել, մինչդեռ թուրքական բեռնատարները մնում են կանգնած:
«Այստեղից Թուրքիա միայն թուրքական բեռնատարներն են։ Ոչ մի թուրքական բեռնատար չի շարժվում։ Մենք անելանելի վիճակում ենք»,- ասել է վարորդներից մեկը:
Շարունակվող ձգձգումները գրավել են Թուրքիայի քաղաքական դաշտի ուշադրությունը։ IYI (Լավ) կուսակցության Այդինի պատգամավոր Օմեր Քարաքաշը քննադատել է Իրանի կողմից ստեղծված իրավիճակը՝ այն անվանելով անհիմն սահմանափակման ակտ:
«Իրանը ստիպում է թուրք բեռնատարների վարորդներին տառապել։ Նրանք գտնվում են ֆիզիկական և հոգեբանական ճնշման տակ։ Անընդունելի է, որ 15 օրվա ընթացքում լուծում չի գտնվել»,- ասել է նա։
Արդյունաբերության ոլորտի ներկայացուցիչները և բեռնատարների վարորդները կոչ են անում երկու կառավարություններին անհապաղ քայլեր ձեռնարկել ճգնաժամը կարգավորելու համար: Նրանք կոչ են արել Թուրքիայի իշխանություններին բանակցություններ սկսել Իրանի հետ՝ սահմանափակումները թուլացնելու և առևտրի ազատ հոսքն ապահովելու համար։
Էսենդերեի սահմանային անցակետը Թուրքիայի համար կարևոր նշանակություն է ձեռք բերել աշխարհաքաղաքական և աշխարհառազմավարական տեսանկյունից։ Հեշտացնելով տրանսպորտային կապերը Իրանի Ուրմիա, Թավրիզ և Թեհրան քաղաքների հետ՝ այն մեծ ներդրում է ունենում Իրանի հետ Թուրքիայի առևտրի և տարածաշրջանի տնտեսության մեջ:
Թարգմանությունը՝ Էմմա Չոբանյանի
