03.08.2026 | 22:59
Էրդողանի դաշնակից Բահչելին ու Օջալանն աջակցություն են հայտնել Թուրքիա-PKK խաղաղության գործընթացին
«10-20 տարի առաջ մտքներովս էլ չէր անցնի՝ այդ բառը հնարավոր է էդպես գրել»․ անգրագիտության հաղթարշավը․ ՏԵՍԱՆՅՈՒԹ
Հասարակություն
04.02.2025 | 18:30
2024 թվականին Կրթության տեսչական մարմնի իրականացրած ուսումնասիրության համաձայն՝ Հայաստանում 4-րդ դասարանցիների ֆունկցիոնալ անգրագիտության մակարդակը կազմում է 28 տոկոս։ Այսինքն՝ ՀՀ-ում 10 տարեկան ամեն 4 երեխայից մեկը չի կարողանում կամ դժվարանում է տեքստեր կարդալ, կարդացածն ընկալել և եզրահանգումներ անել։ Համաշխարհային բանկի գնահատմամբ՝ 2019-ին այս ցուցանիշը 35 տոկոս էր։
Կրթության տեսչական մարմինը նմանատիպ ուսումնասիրություն արել է 2022-ին և արձանագրել անհամեմատ ավելի մտահոգիչ պատկեր՝ 47,7 տոկոս ֆունկցիոնալ անգրագիտություն։
Կրթության փորձագետ Սերոբ Խաչատրյանի կարծիքով՝ առօրյայում պատկերը բոլորովին հուսադրող չէ՝ չնայած վիճակագրության առերևույթ բարելավմանը։
ԿԳՄՍ նախարարության հանրակրթության վարչության պետ Թամարա Սարգսյանի խոսքով էլ՝ կառույցը Հայաստանում ֆունկցիոնալ անգրագիտության մակարդակը նվազեցնելու ուղղությամբ իրականացնում է նպատակային քայլեր՝ ուշադրություն դարձնելով հատկապես տարրական դասարաններում ընթերցանությանը հատկացվող ժամաքանակին, կյանքի կոչելով կրթական ծրագրեր Կրթության զարգացման և նորարարության ազգային կենտրոնի միջոցով։ Թամարա Սարգսյանն ասում է՝ Հանրակրթության պետական չափորոշիչով նախատեսված 8 հիմնական կարողունակություններ կան, որոնց սովորողը միջնակարգ դպրոցն ավարտելիս պարտադիր պետք է տիրապետի, և դրանցից մեկը լեզվական կարողունակությունն է, որը ենթադրում է գրավոր և բանավոր հաղորդակցման ամենաբարձր մակարդակի ապահովում, ընդ որում՝ տարբեր լեզուներով։
Մանրամասները՝ տեսանյութում:
Աննա Բաբաջանյան
