ՀՀ-ն ողջունում է 2 տարով ԵՄ դիտորդական առաքելության մանդատի երկարաձգումը. Արարատ Միրզոյան
Քաղաքականություն
30.01.2025 | 18:43
Հայաստանը ողջունում է ԵՄ Խորհրդի կողմից երկու տարով ՀՀ-ում տեղակայված Եվրամիության դիտորդական առաքելության մանդատի երկարաձգումը։ Այս մասին X-ում գրել է ՀՀ ԱԳ նախարար Արարատ Միրզոյանը։
«Առաքելությունն ապացուցել է, որ տարածաշրջանում կայունության հիմնասյուներից մեկն է: Մենք բարձր ենք գնահատում ԵՄ յուրաքանչյուր անդամ պետության աջակցությունը և տեղում նրանց մասնակցությունը»,- ընդգծել է Միրզոյանը։
Հիշեցնենք, որ ԵՄ Խորհուրդն այսօր որոշում է ընդունել Հայաստանում Եվրամիության առաքելության մանդատը ևս երկու տարով՝ մինչև 2027 թվականի փետրվարի 19-ը երկարաձգելու մասին։
Թարգմանությունը՝ Էմմա Չոբանյանի
ԵՄ Խորհուրդը ևս 2 տարով երկարաձգեց ՀՀ-ում Եվրամիության առաքելության մանդատը