24.06.2026 | 21:15
Ինչպես է երիտասարդ այգեգործը շրջանցել ՌԴ սահմանափակումները․ ծիրանի վաճառք՝ այլ շուկայում. ՏԵՍԱՆՅՈՒԹ
Թրամփի վարչակազմն ակտիվացնում է Հայաստանի և Ադրբեջանի միջև կարգավորման գործընթացում միջնորդական ջանքերը
Քաղաքականություն
24.01.2025 | 13:48
ԱՄՆ նախագահ Դոնալդ Թրամփի վարչակազմն այս շաբաթ նոր բանակցություններ է սկսել Թուրքիայի հետ՝ կենտրոնանալով երկկողմ և տարածաշրջանային խնդիրների, այդ թվում՝ Հարավային Կովկասում խաղաղության վրա։ Ադրբեջանական Թուրան գործակալության Վաշինգտոնի թղթակիցը հայտնում է, որ ԱՄՆ-ում Թուրքիայի դեսպան Սեդաթ Օնալն այսօր հանդիպելու է Լուի Բոնոյի հետ, որը Բայդենի վարչակազմի օրոք Կովկասյան բանակցությունների հարցերով ավագ խորհրդականի պաշտոնն էր զբաղեցնում։
Թրամփի վարչակազմը նրա պաշտոնը բարձրացրել է՝ նշանակելով Պետքարտուղարության Եվրոպայի և Եվրասիայի հարցերով բյուրոյի ղեկավար։
Ավելի վաղ էլ ԱՄՆ նորանշանակ պետքարտուղար Մարկո Ռուբիոն հեռախոսազրույց էր ունեցել Թուրքիայի ԱԳ նախարար Հաքան Ֆիդանի հետ։ Կողմերը քննարկել էին նաև Հայաստանի և Ադրբեջանի միջև կայուն ու արժանապատիվ խաղաղության կարևորությունը։
Թարգմանությունը՝ Էմմա Չոբանյանի
