16.02.2026 | 23:15
Նման պնդումները չեն համապատասխանում իրականությանը. Davaro-ն՝ ԱԹՍ-ներում այլ արտադրողների տեխնոլոգիաներ կիրառելու մասին
Ռուբիոն ու Ֆիդանը Հայաստանի և Ադրբեջանի միջև խաղաղության գործընթացն են քննարկել
Քաղաքականություն
24.01.2025 | 12:12
ԱՄՆ Պետքարտուղարությունը հաղորդագրություն է տարածել նորանշանակ պետքարտուղար Մարկ Ռուբիոյի և Թուրքիայի ԱԳ նախարար Հաքան Ֆիդանի միջև տեղի ունեցած հեռախոսազրույցի վերաբերյալ։ Նշվում է, որ Ռուբիոն վերահաստատել է ԱՄՆ-Թուրքիա հարաբերությունների կարևորությունը, Թուրքիայի դերը՝ որպես ՆԱՏՕ-ի առանցքային դաշնակից, և ընդհանուր շահերը տարածաշրջանում։
«Պետքարտուղար Ռուբիոն ընդգծել է Սիրիայում ներառական անցման անհրաժեշտությունը՝ երաշխավորելով, որ նոր կառավարությունը թույլ չի տա Սիրիային դառնալ միջազգային ահաբեկչության աղբյուր, և օտարերկրյա չարագործ դերակատարներին զրկելով Սիրիայի անցումը սեփական նպատակների համար օգտագործելու հնարավորությունից»,- ասվում է հաղորդագրության մեջ։
ԱՄՆ պետքարտուղարը և Թուրքիայի արտգործնախարարը քննարկել են նաև Հայաստանի և Ադրբեջանի միջև կայուն ու արժանապատիվ խաղաղության կարևորությունը։
Թուրքական կողմի տարածած հաղորդագրությունում Հայաստան-Ադրբեջան կարգավորման գործընթացի քննարկման վերաբերյալ տեղեկություն չէր հաղորդվել։
Թարգմանությունը՝ Էմմա Չոբանյանի
