25.06.2026 | 04:04
ԱԱ-2026. Բրազիլիան հաղթեց խոշոր հաշվով, Մարոկկոն ևս փլեյ-օֆֆում է. ՏԵՍԱՆՅՈՒԹ
Սիրիայի նոր իշխանությունները հույս ունեն, որ երկիրը կվերադառնա Արաբական պետությունների լիգա
Քաղաքականություն
18.01.2025 | 19:23
Դամասկոսի նոր իշխանությունները հույս ունեն, որ Արաբական պետությունների լիգան կաջակցի սիրիացի ժողովրդին, և Սիրիան կվերադառնա իր տեղը տարածաշրջանային կազմակերպությունում։
Ինչպես հաղորդում է «Արմենպրես»-ը, այս մասին հայտարարել է Սիրիայի անցումային կառավարության արտաքին գործերի նախարար Ասադ Հասան ալ-Շիբանին։
«Մենք հուսով ենք, որ Արաբական պետությունների լիգան կաջակցի սիրիական ժողովրդի կամքին, և մենք ակնկալում ենք, որ շուտով կվերադառնանք լիգա»,-ասել է նա:
Դամասկոսի անդամակցությունը Արաբական լիգային կասեցվեց 2011 թվականի նոյեմբերին ներքին ճգնաժամի գագաթնակետին, որը վերաճեց զինված հակամարտության: 2023 թվականի փետրվարի 6-ի երկրաշարժից հետո արաբական շատ երկրներ գնացին Սիրիայի հետ մերձեցման ուղղությամբ և նրան զգալի մարդասիրական օգնություն ցուցաբերեցին։
2023 թվականի մայիսի 7-ին Արաբական լիգայի խորհուրդը Կահիրեում հրավիրված արտակարգ նիստում որոշում կայացրեց վերականգնել Սիրիան տարածաշրջանային համայնքում իր տեղը: 2023 թվականի մայիսի 19-ին Սիրիայի նախկին առաջնորդ Բաշար ալ-Ասադը 2010 թվականից ի վեր առաջին անգամ մասնակցեց Արաբական լիգայի գագաթնաժողովին, որն անցկացվում էր Սաուդյան Արաբիայի Ջիդդա քաղաքում։
