30.04.2026 | 14:53
Արտահերթ նիստ՝ ԱԺ պաշտպանության և անվտանգության մշտական հանձնաժողովում
Ուկրաինական ԱԹՍ-ները գրոհել են Ռուսաստանի շրջանները. հրդեհ է բռնկվել Ռոստովի մարզի գործարանում
Քաղաքականություն
10.01.2025 | 13:41
Ուկրաինական անօդաչու սարքերը հունվարի լույս 10-ի գիշերը գրոհել են Ռուսաստանի մի քանի շրջանները։ Ռոստովի մարզում, շրջանի ղեկավար Յուրի Սլյուսարի տեղեկացմամբ, Ռուսաստանի հակաօդային պաշտպանության ուժերը գիշերը խոցել են 16 անօդաչու թռչող սարք, փոխանցում է Մեդուզան։
Ղրիմ գյուղի արտադրամասի տարածքում հրդեհ շարունակվել է մինչև առավոտ։ Մարզպետը չի նշել, թե որ ձեռնարկության մասին է խոսքը։ Ռոստովի բնակիչները գրում են, որ այն Plastfactor գործարանն է, որը զբաղվում է հատակի ծածկերի արտադրությամբ։
Ռոստովի մարզի այլ բնակավայրերում վնասվել են առանձնատներ, ավտոմեքենաներ, դպրոց։ Նախնական տեղեկություններով՝ տուժածներ չկան։
Հունվարի 9-ի երեկոյան էլ Վորոնեժի մարզի արվարձաններում մի քանի անօդաչու թռչող սարքեր են խոցվել, հայտնել է նահանգապետ Ալեքսանդր Գուսևը։ Նրա խոսքով՝ վնասվել են առանձնատներ, ավտոմեքենաներ, սակայն տուժածներ չկան։
ՌԴ ՊՆ-ն հայտնել է, որ գիշերվա ընթացքում հակաօդային պաշտպանության ուժերը որսացել և ոչնչացրել են 40 ուկրաինական անօդաչու թռչող սարքեր․ 16-ը՝ Ռոստովի մարզում, 4-ական՝ Կուրսկի և Վորոնեժի մարզերում, երեքը՝ Բրյանսկի մարզում, երկուսը՝ Կրասնոդարում, մեկը՝ Կրասնոդարի երկրամասում, մեկը՝ Բելգորոդի շրջանում, տասը ՝ Ազովի ծովի ջրերի վրա:
Թարգմանությունը՝ Տաթև Ֆռանգյանի
