Վարչապետի աշխատակազմի ղեկավար, Համահայկական ձմեռային երկրորդ խաղերի կազմակերպման և անցկացման կառավարական կազմկոմիտեի նախագահ Արայիկ Հարությունյանի գլխավորությամբ տեղի է ունեցել կազմկոմիտեի հինգերորդ նիստը․ տեղեկացնում են ՀՀ կառավարությունից։
Պատասխանատուներն ամփոփ ներկայացրել են ձմեռային խաղերի անցկացման համար արդեն իրականացված աշխատանքները: Օրակարգի շրջանակում մանրամասն քննարկվել են կազմակերպչական աշխատանքների հետ կապված ընթացիկ հարցերն ու դրանց հնարավոր լուծումները, անդրադարձ է կատարվել խաղերի անցկացման համար անհրաժեշտ ենթակառուցվածքների ապահովման, մրցումների կազմակերպման և անցկացման, ձմեռային խաղերի լուսաբանման, մշակութային միջոցառումների անցկացման հետ կապված հարցերի և այլն:
Արայիկ Հարությունյանը կարևորել է պատասխանատու բոլոր գերատեսչությունների համակարգված աշխատանքը՝ ձմեռային խաղերը բարձր մակարդակով կազմակերպելու և անցկացնելու նպատակով:
