25.05.2026 | 23:41
Գյումրիի արտահերթ ընտրություններ ենք իրականացնելու. Նիկոլ Փաշինյան. ՏԵՍԱՆՅՈՒԹ
Հոլիվուդի մի մասը կտարհանվի․ Կալիֆոռնիայում հրդեհը շարունակում է տարածվել
Քաղաքականություն
09.01.2025 | 13:05
ԱՄՆ Կալիֆոռնիա նահանգի Լոս Անջելեսի հրշեջ վարչությունը Հոլիվուդի մերձակա շրջանների բնակիչների տարհանման հրաման է տվել, հայտնում է Reuters-ը։
Ավելի քան 100 հազար մարդ ստիպված է լքել տները։
Տարհանման ենթակա տարածքները ներառում են Հոլիվուդի Փառքի ծառուղին և Dolby Theatre-ը, որտեղ մարտի 3-ին նախատեսված է «Օսկար» մրցանակաբաշխության արարողությունը: Հրդեհների պատճառով մրցանակի հավակնորդների անունների հրապարակումն արդեն իսկ հետաձգվել է երկու օրով, նշում է գործակալությունը։
The Washington Post-ը հայտնում է, որ հրդեհի զոհերի թիվը հասել է 5-ի։ Բարձրակարգ Փելիսեյդ թաղամասում հրդեհը հասել է 63,9 քառակուսի կիլոմետրի: Հայտնի են ևս չորս վայրեր, որտեղ տարածվում է կրակը։ Վերջին տվյալներով՝ Լոս Անջելեսում անտառային հրդեհների պատճառով այրվել է ավելի քան 1000 շենք։ Դրանց թվում է դերասանուհի Փերիս Հիլթոնի տունը, ինչի մասին նա հայտնել է սոցցանցերում։
Հունվարի 7-ին անտառային հրդեհները տարածվել են Հարավային Կալիֆոռնիայում: ԱՄՆ նախագահ Ջո Բայդենը նահանգում աղետի դրություն է հայտարարել։
Թարգմանությունը՝ Տաթև Ֆռանգյանի
