09.09.2026 | 10:41
Հրդեհ Քարաբերդում․ այրվել է մոտ 700 հակ անասնակեր
Ալիևը հայտարարել է, որ 44-օրյա պատերազմի ժամանակ Մակրոնը բազմիցս զանգահարել է և սպառնացել ճանաչել Լեռնային Ղարաբաղը
Քաղաքականություն
08.01.2025 | 12:58
Եթե Ֆրանսիայի քաղաքական դաշտում կա կոնսենսուս, ապա այն միայն «ադրբեջանատյացության» մասին է, հայտարարել է Ադրբեջանի նախագահ Իլամ Ալիևն ադրբեջանական հեռուստաալիքների հետ հարցազրույցում՝ հավելելով, որ խոսքը միայն Ֆրանսիայի գործող իշխանության մասին չէ։
«Իսլամատյացությունն ու այլատյացությունը ֆրանսիական քաղաքական դասի բնորոշ գիծն են։ Գումարած՝ հայկական ազդեցություն, հայկական լոբբի։ Բոլորն ուզում են իրենց աչքի ընկնել հայկական համայնքի առջև և որոշակի դիվիդենտներ ստանալ»,- ասել է Ալիևը։
Նա նաև պատմել է Արցախյան 44-օրյա պատերազմի ընթացքում Ֆրանսիայի նախագահ Էմանուել Մակրոնի հետ հեռախոսազրույցների մասին։
«44-օրյա պատերազմի ընթացքում վեց-յոթ անգամ զանգեր եմ ստացել Ֆրանսիայի նախագահից՝ փորձելով դադարեցնել ազատագրական պայքարը։ Դրանից հետո սպառնալիքների փորձեր եղան, Լեռնային Ղարաբաղը ճանաչելու սպառնալիքներ եղան։ Հիմա, երբ մեր հարաբերություններն արդեն նկուղային հարկի մակարդակից էլ ցածր են, կարող եմ սա ասել։ Ես պատասխանեցի, որ ցանկացած երկիր, որը 2020 թվականի նոյեմբերից հետո կճանաչի Լեռնային Ղարաբաղը, անմիջապես մեզանից նոտա կստանա դիվանագիտական հարաբերությունների խզման մասին։ Եվ Լեռնային Ղարաբաղի ճանաչման թեման անմիջապես դուրս եկավ օրակարգից։ Նրանք գնացին այլ ճանապարհով՝ ճանաչեցին Սենատի միջոցով»,- ասել է Ադրբեջանի նախագահը։
Թարգմանությունը՝ Էմմա Չոբանյանի
