16.05.2026 | 21:37
Փաշինյանը ներկայացրել է վարորդական իրավունքից զրկված անձանց խնդրի լուծման իր տարբերակը
Ուժգին երկրաշարժ Տիբեթում․ մի քանի տասնյակ զոհ և վիրավոր կա
Քաղաքականություն
07.01.2025 | 13:20
Այսօր տեղական ժամանակով 9:05-ին 6,8 մագնիտուդով երկրաշարժ է տեղի ունեցել Տիբեթի ինքնավար մարզի Շիգացե պրեֆեկտուրայի Տինգրի շրջանում, օջախը գտնվել է տասը կիլոմետր խորության վրա։ Երկրաշարժից հետո սեյսմոլոգներն արձանագրել են 49 հետցնցում։
Nanfang Ribao-ի հաղորդմամբ՝ Տինգրի, Լհացե և Սակյա շրջաններում զոհեր են գրանցվել, ավելի քան հազար շենք է ավերվել։
Երկրաշարժի հետևանքով զոհերի թիվը հասել է 53-ի, հայտնում է Xinhua-ն՝ վկայակոչելով Չինաստանի Տիբեթի ինքնավար շրջանի արտակարգ իրավիճակների արձագանքման կենտրոնին։
«Հունվարի 7-ին ժամը 12:30-ի Շիգացե քաղաքի պրեֆեկտուրայի Տինգրի կոմսությունում տեղի ունեցած երկրաշարժի հետևանքով 53 մարդ է զոհվել։ Եվս 62 մարդ վիրավորվել է»,- ասվում է հաղորդագրության մեջ։
Տեղի հրշեջ-փրկարարական վարչությունն ավելի քան 1500 փրկարար է ուղարկել շրջան։
Թարգմանությունը՝ Տաթև Ֆռանգյանի
