10.08.2026 | 23:23
ԹԻՀԿ-ն ուսումնասիրել է Երևանի 70 բարեկարգված բակերի ու խաղահրապարակների որակն ու անվտանգությունը
Գերմանիայի նախագահը ցրել է Բունդեսթագն ու արտահերթ ընտրություններ նշանակել 2025թ․ փետրվարի 23-ին
Քաղաքականություն
27.12.2024 | 15:28
Գերմանիայի նախագահ Ֆրանկ-Վալտեր Շտայնմայերն այսօր հայտարարել է Բունդեսթագը ցրելու մասին և արտահերթ ընտրություններ նշանակել 2025 թվականի փետրվարի 23-ին, գրում է DW-ի ռուսական ծառայությունը։
«Նման դժվար ժամանակներում կայունության ապահովումը պահանջում է ունակ կառավարություն և վստահելի մեծամասնություն խորհրդարանում»,- այսպես է նա մեկնաբանել իր որոշումը, որն ընդունել է կանցլեր Օլաֆ Շոլցի խնդրանքով։
Պատգամավորներն ավելի վաղ անվստահություն էին հայտնել Օլաֆ Շոլցին։
Գերմանիայի խորհրդարանը ցրելու մտադրության մասին Շտայնմայերը հայտարարել էր դեկտեմբերի 20-ին։ Այդ ժամանակ նա ասել էր, որ համոզվել է՝ «դաշնային կառավարությունն այլևս չկա որևէ հեռանկար չունի կայուն խորհրդարանական մեծամասնություն ստեղծելու համար»:
Հավելենք, որ դեկտեմբերի 16-ին Գերմանիայի կանցլեր Օլաֆ Շոլցի դաշնային կառավարությանը վստահության քվեի քվեարկությանը դեմ էին արտահայտվել խորհրդարանի 394 պատգամավորներ։ Բունդեսթագի 207 պատգամավոր աջակցել էր կառավարությանը, ևս 116-ը՝ ձեռնպահ մնացել։
Թարգմանությունը՝ Էմմա Չոբանյանի
