08.09.2026 | 23:30
Պապիկյանը այցելել է ՊՆ ուսումնական կենտրոն, հրամկազմին տրվել են մի շարք հանձնարարականներ
Հութիները պնդում են, որ գերձայնային հրթիռային հարված է հասցվել Թել Ավիվի օդանավակայանին
Քաղաքականություն
27.12.2024 | 15:33
Եմենի հյուսիսը կառավարող շիա ռազմաքաղաքական «Անսար Ալլահ» շարժումը, որը ղեկավարում է Եմենի հյուսիսը, իր Telegram ալիքում հայտարարել է, որ հրթիռային հարված է հասցրել Թել Ավիվի Բեն Գուրիոն օդանավակայանին՝ ի պատասխան Սանայում և Հոդեյդա նահանգի միջազգային օդանավակայանին Իսրայելի ռմբակոծություններին։
«Մենք հարձակում ենք իրականացրել Բեն Գուրիոնի օդանավակայանի վրա՝ օգտագործելով Palestine-2 հիպերձայնային բալիստիկ հրթիռը»,- ասվում է հայտարարության մեջ։
Եմենի զինված ուժերի խոսնակն ընդգծել է, որ Իսրայելի հարձակումները Սանայում և Հոդեյդայում քաղաքացիական օբյեկտների վրա կամրապնդեն Եմենի ժողովրդի վճռականությունը՝ աջակցելու պաղեստինցիներին, և վստահեցրել է, որ հութիները կկարողանան ընդլայնել իրենց թիրախային բազան Պաղեստինում՝ ներառելով իրենց թիրախների ցուցակում Իսրայելի ամենակարևոր օբյեկտները։
Հութիները նաև ասել են, որ իրենք հերթական անգամ անօդաչու թռչող սարքով հարված են հասցրել Թել Ավիվի «կենսական նշանակություն ունեցող թիրախներին»: Նրանց պնդմամբ՝ թիրախները բարեհաջող խոցվել են։
Նախօրեին իսրայելական կործանիչները հարվածներ են հասցրել Սանայի օդանավակայանին, Սանայում և Հոդեյդայի էլեկտրակայաններին և Եմենի արևմտյան նավահանգիստներին, ինչի հետևանքով, ըստ վերջին տվյալների, զոհվել է 6 մարդ, վիրավորվել՝ 40-ը։
Թարգմանությունը՝ Տաթև Ֆռանգյանի
