Գազալցակայանների շահումով ապարատները նպաստում են ղումարբազությանը․ վճռական քայլեր են պետք․ ՀՀ վարչապետ․ ՏԵՍԱՆՅՈՒԹ

Կառավարությունն այսօր փոփոխություն կատարեց «Վիճա­­կախաղերի մասին» ՀՀ օրենքում։

Ներկայումս գործող օրենս­դրու­թյան համաձայն առևտրային կազմակերպությունները վիճակախաղերի կազմակերպման լիցենզիայի հիման վրա կարող են իրականացնել թե՛ վիճակախաղերի, և թե՛ տոտալի­զա­տո­րի կազմակերպման գործունեություն: Ուստի աննպատահարմար է այդ գործունեությունների նկատմամբ մոտեցումների տարանջատումը:

Առաջարկվող փոփոխությամբ ՀՀ Ֆինանսների նախարարությունն առաջարկեց, որ վի­ճակախաղերի կազմակերպիչներին իրավունք  տրվի բացի վիճակախաղերի կազմա­կեր­պումից զբաղվել նաև ինտերնետ շահումով խաղերի կազմակերպման, ծրագրային ապա­հով­ման և դրա սպասարկման ծառայությունների մատուցման գործունեություններով:

Սահմանվում է նաև տա­րե­կան պետական տուրքի չափով ֆինանսական երաշխիքի առկայության պահանջ, որը կապահովի  շահումային ֆոնդի խաղարկությունների ողջ ընթացքը և ուղղված կլինի մասնա­կից­ների շահերի պաշտպանության ապահովմանը: Պետք է նաև սահմանել  ֆինանսական երաշ­խիքի նկատմամբ պահանջներ, որոնք ուղղված կլինեն վիճակախաղի մասնակիցների շահերի պաշտպանությանը:

Վարչապետը նախարարից հետաքրքրվեց՝ արդյոք օրենքում կատարվող փոփոխություններով գազալցակայաններում տեղադրված ապարատները հանվելու են՝ ղումարբազությանը չնպաստելու համար։

Վարչապետը շեշտեց, որ այդ ապարատները տեղադրված են հատկապես  գյուղական համայնքներում և ստացվում է, որ շատ ընտանիքներ են դրա պատճառով խեղվում։

«Շահումով խաղերը փաստորեն տնտեսության մեջ լուրջ դեր են սկսել խաղալ  և դա մի երկրում, որտեղ կա 30 տոկոս աղքատություն»,- ասաց վարչապետը։

Վերջինս նշեց, որ այս հարցը պետք է լուծել հնարավորինս արագ, միևնույն ժամանակ լսել ոլորտի մասնագետներին և անել այնպես, որ հանրային շահը չտուժի։

Մանրամասները՝ տեսանյութում։