15.07.2026 | 10:25
Արտարժույթների փոխարժեքները՝ հուլիսի 15-ի դրությամբ
Բաքուն մերժել է Մալթայում Միրզոյան-Բայրամով հանդիպում անցկացնելու՝ Բլինքենի առաջարկը
Քաղաքականություն
05.12.2024 | 16:59
Բաքուն մերժել է անցկացնել ԱՄՆ-ի միջնորդությամբ հայկական կողմի հետ հերթական հանդիպումը։ Մասնավորապես, ադրբեջանական APA գործակալությունը հայտնում է, թե ինչու Մալթայում ԵԱՀԿ նախարարների խորհրդի շրջանակում Հայաստանի և Ադրբեջանի ԱԳ նախարարների հանդիպում տեղի չի ունենա։
Դիվանագիտական աղբյուրներն APA-ին հայտնել են, որ ԱՄՆ պետքարտուղար Էնթոնի Բլինքենը հանդես է եկել ԵԱՀԿ ԱԳ նախարարների խորհրդի նիստի շրջանակում Հայաստանի և Ադրբեջանի ԱԳ նախարար Արարատ Միրզոյանի և Ջեյհուն Բայրամովի հանդիպում կազմակերպելու նախաձեռնությամբ։ Բլինքենը ցանկացել է միջնորդ հանդիսանալ։
Ըստ ադրբեջանական կողմի՝ Բլինքենը մտադիր էր ԱՄՆ-ին վերաինտեգրել խաղաղության գործընթացին, սակայն ադրբեջանական կողմը կտրականապես մերժել է հանդիպում անցկացնելու՝ Բլինքենի առաջարկը։
Պատճառը, ադրբեջանական կողմի, այն է, որ Բայդենի վարչակազմը, իբր, «Ադրբեջանի նկատմամբ անարդար, կողմնակալ քաղաքականություն է վարում»։
«Դրա համար Ադրբեջանն ընդհանրապես չի ցանկանում ԱՄՆ-ի մասնակցությունը խաղաղության գործընթացում, դա չի համարում նպատակահարմար»,- ասել է դիվանագիտական աղբյուրը։
Ավելի վաղ ՀՀ ԱԳՆ խոսնակ Անի Բադալյանը Factor TV-ին հայտնել էր, որ Մալթայում Հայաստանի և Ադրբեջանի արտգործնախարարների հանդիպում ծրագրված չէ։
Թարգմանությունը՝ Էմմա Չոբանյանի
