07.11.2026 | 09:30
Նորբերտո Բրիասկո Բալեկյանը գոլ է խփել Արգենտինայի առաջնությունում. ՏԵՍԱՆՅՈՒԹ
Աշխատանքից ազատված վարորդները վաղը դիմում կգրեն. աշխատանքի վերադառնալու հարցը կքննարկվի
Հասարակություն
04.12.2024 | 22:21
«Երևանի ավտոբուս» ՓԲԸ -ի ազատված վարորդները վաղվանից կարող են դիմում գրել. կքննարկվի նրանց աշխատանքի վերադարձի հարցը. Այս մասին Factor.am-ի հետ զրույցում տեղեկացրեց վարորդներից մեկը։
Նրա խոսքով՝ քանի որ 32 վարորդներին հեռացրել են աշխատանքից, կարիք կա նորից դիմում գրելու՝ աշխատանքի ընդունվելու համար, որից հետո բոլոր դիմում գրողների աշխատանքը կվերանայվի։
Հարցին՝ արդյո՞ք բոլոր ազատված վարորդներին աշխատանքը վերականգնելու խոստում է տրվել, վարորդը չպատասխանեց։
Factor.am-ի հետ զրույցում Երևանի քաղաքապետի մամուլի քարտուղար Հայկ Կոստանյանը նշեց, որ բոլոր դեպքերն առանձին պետք է քննարկեն և որոշում կայացնեն։
Հիշեցնենք, որ երեկ՝ դեկտեմբերի 3-ի առավոտյան Երևանի հանրային տրանսպորտը սպասարկող 100-ից ավելի վարորդներ գործադուլ էին հայտարարել՝ պահանջելով վերանայել իրենց աշխատանքի պայմանները։ Ավելի ուշ հայտնի դարձավ, որ նրանցից 32-ը ազատվել են աշխատանքից։ Վարորդների առաջ պայման էր դրվել, որ եթե այսօր գործադուլը դադարեցվի, ազատված վարորդների աշխատանքի վերադառնալու հարցը կքննարկվի։ Այսօր ժամը 6-ին ազատված վարորդներին հրավիրել էին քննարկման։ Այսօր արդեն ավտոբուսի վարորդները դադարեցրել էին գործադուլը։
Անժելա Պողոսյան
