04.08.2026 | 23:29
Չժաո Լեցզին շնորհավորել է Ռուբեն Ռուբինյանին ԱԺ նախագահ ընտրվելու կապակցությամբ
Factor TV-ի անդրադարձից հետո շրջակա միջավայրի նախարարությունը կայքից հեռացրել է «10 մլն ծառ» ծրագրին վերաբերող բաժինը
21.11.2024 | 16:04
Factor TV-ի անդրադարձից հետո Շրջակա միջավայրի նախարարության կայքէջում անհասանելի է դարձել «10 մլն ծառ» ծրագրի մասին տեղեկություններ պարունակող բաժինը։
Factor TV-ին իր «Փա՞ստ, թե՞ փուստ» հաղորդումների շարքի շրջանակում անդրադարձել էր «10 մլն ծառ» նախաձեռնությանը և արձանագրել, որ ծրագրի շրջանակում կառավարության տված խոստումները չեն իրականացվել։
Երբ դեռ բաժինը հասանելի էր նախարարության կայքում, դրանում նշված էր, որ 10 մլն ծառ տնկելու համար անհրաժեշտ է 3000 հա հողատարածք և 300 հազար մասնակից։ 300 հազար մասնակիցը Հայաստանի բնակչության շուրջ տասը տոկոսն է կազմում, և 10 մլն ծառ ունենալու համար նրանցից յուրաքանչյուրը պետք է առնվազն 30 ծառ տնկեր: Հարց էինք բարձրացրել, թե այդ դեպքում որքանո՞վ էր իրատեսական մեկ օրում, անգամ մեկ ամսում այդքան ծառ տնկելը։
Թեմային ավելի մանրամասն ծանոթանալու համար դիտեք «Ինչպես «ջրվեց» 10 մլն ծառ տնկելու խոստումը. Փա՞ստ, թե փուստ» հաղորդումը։
Անի Թամրազյան
