23.06.2026 | 14:53
Բաքուն ԱՄՆ Կոնգրեսում Հայաստանի կողմից, իբր, «ադրբեջանցիների էթնիկ զտումների» մասին համաժողով է նախաձեռնել
ԱՄՆ-ը մեկ օրով փակել է Կիևում իր դեսպանատունը՝ հարձակման սպառնալիքի պատճառով
Քաղաքականություն
20.11.2024 | 13:19
ԱՄՆ-ն որոշել է նոյեմբերի 20-ին փակել իր դեսպանատունը Կիևում՝ հնարավոր «լուրջ օդային հարձակման» մասին տեղեկություն ստանալուց հետո, գրում է BBC-ի ռուսական ծառայությունը։
«Կիևում ԱՄՆ դեսպանատունը տեղեկություն է ստացել նոյեմբերի 20-ին օդային լուրջ հարձակման հնարավորության մասին։ Նախազգուշական նկատառումներից ելնելով՝ դեսպանատունը կփակվի, իսկ անձնակազմին հանձնարարվել է մնալ ապաստարաններում: Դեսպանատունը խորհուրդ է տալիս ԱՄՆ քաղաքացիներին պատրաստ լինել անհապաղ պատսպարվել՝ օդային հարձակման տագնապի դեպքում»,- ասվում է դեսպանատան կայքում տեղադրված հաղորդագրության մեջ։
Ուկրաինայի Ազգային անվտանգության և պաշտպանության խորհրդի ապատեղեկատվության հակազդման կենտրոնի ղեկավար Անդրեյ Կովալենկոն մեկնաբանել է ամերիկյան դեսպանատան նախազգուշացումը։
«Ռուսներն ամիսներ շարունակ հրթիռների համալրում են արել Ուկրաինայի վրա մի շարք հարձակումների համար։ Դա վերաբերում է X-101 հրթիռներին, որոնք նրանք շարունակում են արտադրել, ինչպես նաև «կալիբրներին» և բալիստիկներին»,- նշել է նա։
Թարգմանությունը՝ Էմմա Չոբանյանի
