30.04.2026 | 19:25
Brent տեսակի նավթի գինը հասել է 2022թ․ փետրվարից ի վեր ամենաբարձր մակարդակին
Բելառուսի ՊՆ ղեկավարը հայտարարել է, թե ՀԱՊԿ գոտում իրավիճակը պահանջում է հավաքական ուժերի վիճակի գնահատում
Քաղաքականություն
20.11.2024 | 13:40
Հավաքական անվտանգության պայմանագրի կազմակերպության (ՀԱՊԿ) պատասխանատվության գոտում իրավիճակի զարգացումը թելադրում է ՀԱՊԿ Հավաքական ուժերի վիճակի գնահատման անհրաժեշտությունը։ ՏԱՍՍ-ի փոխանցմամբ՝ այս մասին ասել է Բելառուսի պաշտպանության նախարար, գեներալ-լեյտենանտ Վիկտոր Խրենինը «ՀԱՊԿ անդամ երկրների պաշտպանության և անվտանգության ոլորտում գիտական գործունեության կիրառական ասպեկտները» միջազգային ռազմագիտական համաժողովի մասնակիցներին ուղղված ողջույնի խոսքում։
«Ստեղծվող ռազմաքաղաքական իրավիճակը մեզանից պահանջում է անաչառ և համակողմանի գնահատել հավաքական ուժերի վիճակը, վերլուծել և համակարգել պաշտպանության ոլորտում առկա խնդիրները, ինչպես նաև ՀԱՊԿ անդամ երկրների անվտանգության ապահովումը»,- նշել է բելառուս պաշտոնյան։
Թարգմանությունը՝ Տաթև Ֆռանգյանի
