17.07.2026 | 23:30
ԲԸՏՄ-ում քննարկվել են COP17-ի նախապատրաստական աշխատանքներն ու տեսչության մասնակցությունը
Թրամփը թուրքական ծագումով բժիշկ Մեհմեդ Օզին առաջադրել է դաշնային առողջապահական ծառայությունների տնօրենի պաշտոնում
Քաղաքականություն
20.11.2024 | 14:02
ԱՄՆ նորընտիր նախագահ Դոնալդ Թրամփը հայտարարել է, որ թուրքական ծագումով բժիշկ Մեհմեդ Օզին առաջադրելու է Medicare և Medicaid դաշնային ծառայությունների ղեկավարի պաշտոնում՝ որպես իր նոր վարչակազմի հիմնական թիմի մաս, գրում է Duvar-ը։
Իր Truth Social սոցիալական հարթակում արված հայտարարության մեջ Թրամփն ընդգծել է, որ Ամերիկան բախվել է լուրջ առողջական ճգնաժամի և գովաբանել Օզին որպես այս մարտահրավերներին դիմակայելու համար ամենաորակյալ բժշկի, նաև ընդգծել նրա ներուժը՝ լուծելու ԱՄՆ առողջապահական համակարգի բազմաթիվ խնդիրները։
Medicare-ը դաշնային առողջապահական ապահովագրական ծրագիր է, որը ծառայություններ է մատուցում 65 տարեկանից բարձր անձանց, մինչդեռ Medicaid-ը դաշնային և պետական համատեղ ծրագիր է, որն առաջարկում է ապահովագրություն ցածր եկամուտ ունեցող անձանց: 2023 թվականին դաշնային կառավարությունը 860 միլիարդ դոլար է ծախսել՝ Medicaid-ի և 848 միլիարդ դոլար՝ Medicare-ի համար։
Որպես թուրք ներգաղթյալների որդի՝ Օզը երկքաղաքացիություն ունի։ Նա երկար տարիներ հանդես է եկել առողջապահական թեմաներով հեռուստաշոուներում, նաև սեփական հեռուստատեսային հաղորդումը վարել։
Օզը 2022 թվականին Փենսիլվանիայում ԱՄՆ Սենատի ընտրություններում առաջադրվել էր որպես պահպանողական հանրապետական թեկնածու, սակայն չէր հաղթել։
Թարգմանությունը՝ Էմմա Չոբանյանի
