16.05.2026 | 17:02
Մայիսի 17-ից օդի ջերմաստիճանը կբարձրանա
Le Figaro-ն հեռացրել է տեղեկությունն այն մասին, որ Ֆրանսիան և Բրիտանիան Կիևին թույլատրել են հեռահար հրթիռներ արձակել ՌԴ-ի ուղղությամբ
Քաղաքականություն
18.11.2024 | 16:07
Ֆրանսիական Le Figaro-ն, որը նախօրեին հայտնել էր, որ Ֆրանսիան և Մեծ Բրիտանիան թույլատրել են օգտագործել իրենց հրթիռները Ռուսաստանի տարածքի խորքը հարվածելու համար, հեռացրել է հրապարակումը։ Դրան ուշադրություն են դարձրել ինչպես ռուսական, այնպես էլ ուկրաինական լրատվամիջոցները, գրում է BBC-ի ռուսական ծառայությունը։
Խոսքը հեռահար SCALP և Storm Shadow հրթիռների մասին է։
Le Figaro-ի հոդվածը նվիրված էր ԱՄՆ նախագահ Ջո Բայդենի որոշմանը՝ վերացնել ամերիկյան հեռահար ATACMS հրթիռների կիրառման արգելքը Ռուսաստանում թիրախներին հարվածելու համար, ինչի մասին առաջինը հայտնել է ամերիկյան The New York Times-ը։
Ուկրաինական ТСН-ն նշում է, թե ինչ բովանդակություն ունի այժմ ֆրանսիական լրատվամիջոցի հրապարակումը․ «Աշխատակազմերում արդեն բանավեճեր էին ծավալվում ռուսական տարածքի դեմ արևմտյան հրթիռների կիրառման թույլտվության շուրջ: Էմանուել Մակրոնը դրա օգտին արտահայտվել է 2024 թվականի մայիսին Գերմանիա կատարած պետական այցի ժամանակ»։
Թարգմանությունը՝ Էմմա Չոբանյանի
