09.09.2026 | 11:48
ԱՄՆ-ն հայտնել է իրանական 5 լցանավերի ոչնչացման մասին․ Թեհրանը թիրախավորել է Հորդանանում ամերիկյան ռազմաբազան
Կրասնոդարի երկրամասը ԱԹՍ-ների հարձակման է ենթարկվել․ բազմաթիվ պայթյուններ են որոտացել
Քաղաքականություն
15.11.2024 | 12:57
Կրասնոդարի երկրամասը գիշերը անօդաչուներ են գրոհել, Կրիմսկի բնակիչները բազմաթիվ պայթյուններ են լսել, հայտնում են ռուսական տելեգրամ-ալիքները։ Astra-ի տվյալներով՝ ԱԹՍ-ները, ենթադրաբար, փորձել են գրոհել «Կրիմս» ռազմական օդանավակայանը, բայց այս տեղեկատվության հաստատում դեռևս չկա։
ԱԹՍ-ներից մեկն ընկել է Կրասնոդարի երկրամասի Պոլտավսկի բնակավայրում մասնավոր բնակելի շենքի վրա։
Հաղորդվում է նաև, որ «անօդաչուների գրոհը ռազմական օդանավակայանի վրա շարունակվել է շուրջ երկու ժամ»։
Այն, որ նոյեմբերի 15-ի գիշերը անօդաչու սարքերով հարձակվել են երկրամասի երկու մունիցիպալիտետների վրա, հաստատել է նաև նահանգապետ Վենիամին Կոնդրատևը։ ՌԴ Պաշտպանության նախարարությունն էլ հայտնել է Կրասնոդարի երկրամասում 36 անօդաչու թռչող սարքերի կործանման մասին։
Ուկրաինայի Զինված ուժերի գլխավոր շտաբը չի մեկնաբանել Կրասնոդարի երկրամասի վրա անօդաչու թռչող սարքերի հարձակումը։
Թարգմանությունը՝ Տաթև Ֆռանգյանի
