24.11.2024 | 21:56
Միակն ու անկրկնելին. ՀՀ-ում Ֆրանսիայի դեսպանի արձագանքը՝ Ադրբեջանի տարածքային պահանջներին
Բակո Սահակյանը ՀՀ ԱԺ պատգամավորների հետ քննարկել է հայկական 2 պետությունների ներխորհրդարանական կապերին առնչվող հարցեր
12.07.2017 | 21:39
Արցախի Հանրապետության Նախագահ Բակո Սահակյանը հուլիսի 12-ին ընդունել է Հայաստանի Հանրապետության Ազգային ժողովի մի խումբ պատգամավորների:
Ինչպես տեղեկացրին Արցախի Հանրապետության նախագահի աշխատակազմի տեղեկատվության գլխավոր վարչությունից, քննարկվել են հայկական երկու հանրապետությունների ներխորհրդարանական կապերին, ներքին և արտաքին քաղաքականությանը վերաբերող մի շարք հարցեր:
Ավելի վաղ հաղորդվել էր, որ ՀՀ Աժ մշտական հանձնաժողովների ղեկավարները հանդիպել են Արցախի խորհրդարանի համանուն հանձնաժողովների ղեկավարների ու անդամների հետ և քննարկել հետագա փոխգործակցության ուղիները, երկու խորհրդարաններում շրջանառության մեջ գտնվող օրենսդրական նախաձեռնությունները և դրանց առանձնահատկությունները, ինչպես նաև երկուստեք հետաքրքրություն ներկայացնող հարցերի լայն շրջանակ:
Այնուհետև ԱԺ նախագահի մասնակցությամբ տեղի է ունեցել Հայաստանի և Արցախի խորհրդարանական խմբակցությունների ղեկավարների հանդիպումը, որի ընթացքում մտքեր են փոխանակվել արտաքին և ներքին մարտահրավերներին դիմակայելու համատեքստում քաղաքական ուժերի համագործակցության հարցերի շուրջ:
Աշխատանքային այցի ընթացքում ՀՀ խորհրդարանական պավիրակությունը հանդիպել է ԱՀ պաշտպանության նախարար Լևոն Մնացականյանին:
