15.07.2026 | 12:56
Բազմաբնակարան շենքերի և ենթակայանների վերանորոգման համար ՀԷՑ-ը կապալառուներ կընտրի
Կենտրոնի թաղապետարանի ձերբակալված 3 պաշտոնյան և մեկ քաղաքացին կալանավորվել են
Հասարակություն
13.11.2024 | 13:40
Երեկ ձերբակալված Կենտրոն վարչական շրջանի աշխատակազմի առևտրի և սպասարկումների բաժնի պետ Արսեն Աղաբեկյանը, նրա տեղակալը, նույն բաժնի ևս մեկ աշխատակից և մեկ քաղաքացի կալանավորվել են։ Տեղեկությունը FactorTV-ի հետ զրույցում հաստատեց Հակակոռուպցիոն կոմիտեի մամուլի քարտուղար Մարինա Օհանջանյանը՝ առանց հստակեցնելու կալանավորվածների անունները.
«Մեղադրանքներ են ներկայացվել քաղաքացու կողմից կաշառք տալու ու պաշտոնատար անձանց կողմից խմբով կաշառք ստանալու համար»,- մանրամասնեց Օհանջանյանը։
Հիշեցնենք՝ FactorTV-ի աղբյուրի փոխանցմամբ, նրանք կասկածվում են հանրային սննդի օբյեկտներից լիցենզիայի պետական տուրքի գումարներն առձեռն հավաքագրելու և Կենտրոն վարչական շրջանում սուրճի ապարատներ տեղադրելու թույլտվություններ տալու համար։
Ռոզա Վարդանյան
