26.12.2024 | 21:48
Հայրս բավական կոպիտ և տգեղ պատասխաններ է հնչեցնում. Ավինյանը ներողություն է խնդրում
Ալիևը հայտարարել է, թե COP29-ը բոյկոտելու ջանքերը ձախողվել են
Քաղաքականություն
12.11.2024 | 21:14
«Հենց Ադրբեջանը ընտրվեց որպես COP29-ը հյուրընկալող, այն դարձավ թիրախ։ Եվ սա լավ կազմակերպված, լավ համակարգված զրպարտչական արշավ էր մեր երկրի դեմ»,- նման հայտարարությամբ է հանդես եկել Ադրբեջանի նախագահ Իլհամ Ալիևը՝ ելույթ ունենալով Բաքվում COP29-ի առաջնորդների գագաթնաժողովի բացման արարողության ժամանակ։
«Ցավոք, երկակի ստանդարտները, այլ երկրներին սովորեցնելու սովորությունը և քաղաքական կեղծավորությունը դարձել են արևմտյան որոշ երկրներում քաղաքական գործիչների, պետության կողմից վերահսկվող ՀԿ-ների և լրատվամիջոցների կողմից կեղծ լուրեր արտադրելու հաստատված գործելաոճը»,-ասել է Ալիևը։ Ըստ նրա՝ տարվա ընթացքում այդ ուժերը ջանքեր են գործադրել բոյկոտելու Բաքվում կայանալիք կլիմայական համաժողովը։
«Իմ ուղերձն ուղղված է այն շրջանակներին, որոնք արդեն մոտ մեկ տարի է, ինչ քարոզում են բոյկոտը։ Նրանք օգտագործում են իրենց հասանելիք բոլոր միջոցները Բաքվում COP29-ի դեմ բոյկոտի արշավ իրականացնելու համար։ Նրանց համար վատ լուրեր ունեմ՝ 72 հազար գրանցված մասնակից ունենք 196 երկրից։ Նրանց թվում են 80 նախագահներ, փոխնախագահներ և վարչապետներ։ Այսպիսով, աշխարհը հավաքվել է Բաքվում, և մենք աշխարհին ասում ենք՝ «Բարի գալուստ Ադրբեջան»-հայտարարել է Ալիևը։
Հավելենք, որ Բաքվում ընթացող կլիմայական համաժողովը իր ծավալներով զիջում է նախորդ տարի Դուբայում անցկացվածին։ Աշխարհի առանցքային տերությունների ղեկավարները չեն մասնակցում համաժողովին։ Օրինակ՝ G7-ի երկրերից՝ մասնակցում են միայն Իտալիայի ու Մեծ Բրիտանիայի վարչապետները։
Թարգմանությունը՝ Էմմա Չոբանյանի
