18.07.2026 | 18:00
«Ֆուռերի մեջ բեռնված ձուկը փչանում է, ի՞նչ անենք»․ ՌԴ-ի սահմանափակումներն ու ԵՄ-ի ընձեռած հնարավորությունը․ ՏԵՍԱՆՅՈՒԹ
Ջհանդամ գյոռ, չե՛ք ասում՝ ես ասեմ. 20,366 մարդ է հեռացել երկրից, կրճատվել է 16,900 աշխատատեղ․ Արթուր Խաչատրյան․ ՏԵՍԱՆՅՈՒԹ
Քաղաքականություն
12.11.2024 | 11:47
«Երբ ասում եք, որ հերոս հանրային ծառայողներն իրենց մասնավոր միլիոնանոց աշխատանքը թողել, եկել են պետական սեկտորում են աշխատում, միանգամից հիշում եմ Ձեր կառավարության Տաթևիկ Ռևազյանին, ով դրանով էր հպարտանում, բայց ով այլանդակեց ՀՀ ավիացիան, որ մինչև հիմա չեք կարողանում իր գցած փոսից հանել»,- այսօր ԱԺ-ում 2025-ի բյուջեի նախագծի քննարկման ժամանակ հայտարարեց «Հայաստան» խմբակցության պատգամավոր Արթուր Խաչատրյանը:
Ընդդիմադիր պատգամավորը Ֆինանսների նախարար Վահե Հովհաննիսյանից հետաքրքրվեց, թե տարվա առաջին 6 ամիսների ընթացքում Հայաստանից ՀՀ անձնագիր ունեցող քանի քաղաքացի է մեկնել:
Ի պատասխան ֆինանսների նախարար Վահե Հովհաննիսյանն ասաց, որ հիմա կդժվարանա այդ բոլոր թվերը ներկայացնել։
Արթուր Խաչատրյանն էլ արձագանքեց. «Դուք չեք ասում, ե՛ս ասեմ, ջհանդամ գյոռ: Ուրեմն՝ երկրորդ եռամսյակում նոր ստեղծված աշխատատեղեր՝ 15 700, կրճատված աշխատատեղեր՝ 16 900: Այսինքն մենք տեսնում ենք, որ աշխատատեղերը կրճատվում են: Դուք խոսում եք, որ հեսա-հեսա գալու ենք, շրջենք պատմության անիվը, բայց Հայաստանի փաստաթղթերով բացասական սալտոն կազմում է 20 366 մարդ»:
Մանրամասները՝ տեսանյութում։
