16.02.2026 | 00:04
Հայաստանի գեղասահորդները հաջող մեկնարկեցին Օլիմպիական խաղերում․ ՏԵՍԱՆՅՈՒԹ
Տեսնում ենք շանս՝ մոտարկելու խաղաղության պայմանագրի շուրջ երկու կողմերի տարբերվող տեսակետները. ԱԳ փոխնախարար. ՏԵՍԱՆՅՈՒԹ
Քաղաքականություն
11.11.2024 | 15:16
Բաքվում կայանալիք COP-29-ին մասնակցելու հետ կապված դեռևս որոշում չկա, ԱԺ-ում լրագրողների հետ զրույցում հայտարարեց ՀՀ արտաքին գործերի փոխնախարար Վահան Կոստանյանը:
«Վստահաբար, այն պահին, երբ լինի որոշում, մենք պատշաճ կերպով կտեղեկացնենք, թե արդյո՞ք մասնակցում ենք, ի վերջո, վերջնական որոշում կա՞ մասնակցելու կամ չմասնակցելու և ի՞նչ մակարդակով կմասնակցենք»,- նշեց նա։
ԱԳ փոխնախարարի խոսքով՝ գերիների խնդրի հասցեագրումը շատ կարևոր է, և ԱԳՆ-ն նույնպես այդ ուղղությամբ աշխատանքներ է տանում, որ բոլոր հայ ռազմագերիները և այլ պահվող անձինք վերադառնան Հայաստան։
Հարցին՝ այս պահին COP29-ի համատեքստում գերիների վերադարձի, խաղաղության հետ կապված քննարկումներ կա՞ն Բաքվի հետ՝ Կոստանյանը պատասխանեց, թե պետք է դատել ընդհանուր բանակցային դինամիկայից։
«Բնականաբար, կան խողովակներ, որոնցով ընթանում են շփումները, այդ թվում՝ նաև 11-րդ ադրբեջանական խմբագրումը ստացանք վերջերս և դիտարկում ենք»,- ասաց նա։
Խաղաղության պայմանագրի շուրջ դեռևս շարունակում են մնալ հարցեր, որոնց շուրջ երկու կողմերի տեսակետները տարբերվում են, բայց, նրա խոսքով, հայկական կողմը տեսնում է հնարավորություն՝ տեսակետները մոտարկելու։
«Հայաստանի Հանրապետությունը շարունակում է շահագրգռված լինել Ադրբեջանի հետ հարաբերությունների կարգավորման գործընթացում ու կարծում ենք՝ դրական հաղորդագրություններն են, որ օգնում են այս գործընթացին, ինչպես նաև երկու պետությունների հանրություններին նախապատրաստելը»,- ասաց Վահան Կոստանյանը։
Մանրամասները` տեսանյութում։
