26.05.2026 | 23:35
Վաղը առավոտյան ՀՀ ԶՈՒ ավիացիան Երևանի կենտրոնում կատարելու է թռիչք. ՊՆ
Պարո՛ն Ավետիսյան, վերջ տվեք էս փարիսեցիությանը․ բանավեճ՝ Գևորգ Պապոյանի և Թադևոս Ավետիսյանի միջև․ ՏԵՍԱՆՅՈՒԹ
Քաղաքականություն
06.11.2024 | 13:21
«Պարո՛ն Պապոյան, հենց նեղն եք ընկնում՝ նախորդ 30 տարին եք հիշում, այս էլ որերորդ անգամ ասում եք՝ «այ, դուք՝ նախկիններդ, մենք ՝ նորերս» նախկինի ու նորի խնդիր չկա, որովհետև նախկինում մեխանիզմները շատ բանում այլ էին, հիմա՝ այլ են»,- այս մասին ԱԺ տնտեսական հարցերով մշտական հանձնաժողովի նիստում ասաց «Հայաստան» խմբակցության պատգամավոր Թադևոս Ավետիսյանը։ Ընդդիմադիր պատգամավորը հորդորեց նախարարին, որպեսզի նա միջնորդի ՍԱՏՄ-ին, որ ստուգումներ սկսվեն խոշոր սուպերմարկետներում։
«Խոշոր սուպերմարկետներում ժամկետանց կաթնամթերք կա, որը թաքցում են։ Առաջին շարքում թարմն են դնում, խորքում՝ հինը։ Շատ հաճախ էլ ժամկետներն այնպես են տպած, որ անհնար է հասկանալ, «08» է, թե «06», սա էլ է ձեր լուծելիքը»,- նշեց նա։
Պապոյանն էլ պատասխանեց. «Չգիտեմ, որտեղ եք ինձ տեսել նեղն ընկած, բայց հիմա կապացուցեմ, որ եթե որևէ մեկը նեղն ընկած էլ լինի, ապա դա դուք եք լինելու վերջում։
Ասում եք՝ սպառողների իրավունքները կարևոր են, բայց փոքր խանութի համար անհնար է փոքր թուղթ տպել փակցնել։ Վերջ տվեք էլի, այս փարիսեցիությանը»։
Մանրամասները՝ տեսանյութում։
